Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXXIV.
1 And the word of the Lord was maad
to me,
2 and he seide, Sone of man, profesie
thou of the schepherdis of Israel, profesie
thou; and thou schalt seie to the schepherdis,
The Lord God seith these thingis,
Wo to the schepherdis of Israel, that fedden
hym silf; whether flockis ben not fed
of schepherdis?
3 &YOGH;e eeten mylk, and weren
hilid with wollis, and &yogh;e killiden that that
was fat; but &yogh;e fedden not my floc.
4 &YOGH;e
maden not sad that that was vnstidfast,
and &yogh;e maden not hool that that was
sijk; &yogh;e bounden not that that was
brokun, and &yogh;e brou&yogh;ten not a&yogh;en that
that was cast awei, and &yogh;e sou&yogh;ten not
that that perischide; but &yogh;e comaundiden
to hem with sturnenesse, and with power.
5 And my scheep weren scaterid, for no
sheepherde was; and thei weren maad in
to deuouryng of alle beestis of the feeld,
and thei weren scaterid.
6 My flockis erriden
in alle mounteyns, and in ech hi&yogh; hil,
and my flockis weren scaterid on al the
face of erthe, and noon was that sou&yogh;te.
7 Therfor, scheepherdis, here &yogh;e the word of
the Lord;
8 Y lyue, seith the Lord God, for
whi for that that my flockis ben maad in
to raueyn, and my scheep in to deuouryng
-- --
of alle beestis of the feeld, for that that
no scheepherde was, for the scheepherdis
sou&yogh;ten not my floc, but the scheepherdis
fedden hem silf, and fedden not my flockis;
therfor,
9 scheepherdis, here &yogh;e the word of
the Lord,
10 The Lord God seith these thingis,
Lo! Y my silf am ouer scheepherdis; Y
schal seke my floc of the hond of hem,
and Y schal make hem to ceesse, that thei
fede no more my flok, and that the scheepherdis
feede no more hem silf. And Y schal
delyuere my floc fro the mouth of hem,
and it schal no more be in to mete to hem.
11 For the Lord God seith these thingis, Lo!
Y my silf schal seke my scheep, and Y
schal visite hem.
12 As a scheepherde visitith
his floc, in the dai whanne he is in the
myddis of hise scheep `that ben scaterid,
so Y schal visite my scheep; and Y schal
delyuere hem fro alle places in whiche
thei weren scaterid, in the dai of cloude,
and of derknesse.
13 And Y schal leede hem
out of puplis, and Y schal gadere hem fro
londis, and Y schal brynge hem in to her
lond, and Y schal feede hem in the hillis
of Israel, in ryueris, and in alle seetis of
erthe.
14 Y schal feede hem in moost plenteouse
pasturis, and the lesewis of hem
schulen be in the hi&yogh; hillis of Israel; there
thei schulen reste in greene eerbis, and in
fatte lesewis thei schulen be fed on the
hillis of Israel.
15 Y schal fede my scheep,
and Y schal make hem to ligge, seith the
Lord God.
16 I schal seke that that perischide,
and Y schal brynge a&yogh;en that
that was cast awei; and Y schal bynde
that that was brokun, and Y schal make
sad that that was sijk; and Y schal kepe
that that was fat and strong; and Y
schal feede hem in doom;
17 forsothe &yogh;e ben
my flockis. The Lord God seith these
thingis, Lo! Y deme bitwixe beeste and
beeste, and a wethir and a buc of geet.
18 Whether it was not enow&yogh; to &yogh;ou to deuoure
good pasturis? Ferthermore and &yogh;e
defouliden with &yogh;oure feet the remenauntis
-- --
of &yogh;oure lesewis, and whanne &yogh;e drunken
clereste watir, &yogh;e disturbliden the residue
with &yogh;oure feet.
19 And my scheep weren
fed with tho thingis that weren defoulid
with &yogh;oure feet; and thei drunken these
thingis, that &yogh;oure feet hadden troblid.
20 Therfor the Lord God seith these thingis
to &yogh;ou, Lo! Y my silf deme bitwixe a fat
beeste and a leene beeste.
21 For that that
&yogh;e hurliden with sidis, and schuldris, and
wyndewiden with &yogh;oure hornes alle sike
beestis, til tho weren scaterid withoutforth,
I schal saue my floc,
22 and it schal
no more be in to raueyn. And Y schal
deme bitwixe beeste and beeste;
23 and Y
schal reise on tho o sheepherde, my seruaunt
Dauid, that schal fede tho; he schal
fede tho, and he schal be `in to a sheepherde
to hem.
24 Forsothe Y the Lord schal
be in to God to hem, and my seruaunt
Dauid schal be prince in the myddis of
hem; Y the Lord spak.
25 And Y schal
make with hem a couenaunt of pees, and
Y schal make worste beestis to ceesse fro
erthe; and thei that dwellen in desert,
schulen slepe sikur in forestis.
26 And Y
schal sette hem blessyng in the cumpas
of my litle hil, and Y schal lede doun
reyn in his tyme. And reynes of blessyng
schulen be,
27 and the tre of the feeld schal
&yogh;yue his fruyt, and the erthe schal &yogh;yue
his seed. And thei schulen be in her lond
with out drede; and thei schulen wite,
that Y am the Lord, whanne Y schal al
to-breke the chaynes of her &yogh;ok, and
schal delyuere hem fro the hond of hem
that comaunden to hem.
28 And thei schulen
no more be in to raueyn in to hethene
men, nether the beestis of erthe schulen
deuoure hem, but thei schulen dwelle
tristili with outen ony drede.
29 And Y schal
reise to hem a iust buriownyng named;
and thei schulen no more be maad lesse
for hunger in erthe, and thei schulen no
more bere the schenschipis of hethene
men.
30 And thei schulen wite, that Y am
-- --
her Lord God with hem, and thei ben my
puple, the hous of Israel, seith the Lord
God.
31 Forsothe &yogh;e my flockis ben men,
the flockis of my lesewe; and Y am &yogh;oure
Lord God, seith the Lord God.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
