Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 And these ben the wordis of the book,
which Baruk, the sone of Nerie, sone of
Maasie, sone of Sedechie, sone of Sedei,
sone of Helchie, wroot in Babilonye;
2 in
the fyuethe &yogh;eer, in the seuenthe dai of
the monethe, in the tyme wherynne Caldeis
token Jerusalem, and brenten it with
fier.
3 And Baruk redde the wordis of this
book to the eeris of Jeconye, sone of Joachym,
-- --
kyng of Juda, and to the eeris of
al the puple comynge to the book;
4 and to
the eeris of the my&yogh;ti sones of kyngis,
and to the eeris of prestis, and to the eeris
of the puple, fro the mooste `til to the
leeste of hem, of alle dwellynge in Babiloyne,
and at the flood Sudi.
5 Whiche
herden, and wepten, and fastiden, and
preieden in the si&yogh;t of the Lord.
6 And
thei gaderiden monei, bi that that ech
mannus hond my&yogh;te;
7 and senten in to
Jerusalem to Joachym, the prest, sone of
Helchie, sone of Salen, and to the preestis,
and to al the puple that weren foundun
with hym in Jerusalem;
8 whanne he took
the vessels of the temple of the Lord, that
weren takun awei fro the temple, to a&yogh;en
clepe in to the lond of Juda, in the tenthe
dai of the monethe Siban; the siluerne
vessels, which Sedechie, the kyng of Juda,
the sone of Josie,
9 made, aftir that Nabugodonosor,
kyng of Babiloyne, hadde take
Jeconye, and princes, and alle my&yogh;ti men,
and the puple of the lond fro Jerusalem,
and ledde hem boundun in to Babiloyne.
10 And thei seiden, Lo! we han sent to &yogh;ou
richessis, of whiche bie &yogh;e brent sacrifices,
and encense, and make &yogh;e sacrifice, and
offre &yogh;e for synne at the auter of &yogh;oure
Lord God.
11 And preye &yogh;e for the lijf of
Nabugodonosor, king of Babiloyne, and
for the lijf of Balthasar, his sone, that
the daies of hem ben on erthe as the daies
of heuene;
12 that the Lord &yogh;yue vertu to
vs, and li&yogh;tne oure i&yogh;en, that we lyue
vndur the schadewe of Nabugodonosor,
kyng of Babiloyne, and vndur the schadewe
of Balthasar, his sone; and that we
serue hem bi many daies, and fynde grace
in the si&yogh;t of hem.
13 And preye &yogh;e for `vs
silf to our Lord God, for we han synned
to oure Lord God, and his strong veniaunce
is not turned awei fro vs, `til in to
this dai.
14 And rede &yogh;e this book, which
we senten to &yogh;ou, to be rehersid in the
-- --
temple of the Lord, in a solempne dai,
and in a couenable dai.
15 And &yogh;e schulen
seie, Ri&yogh;tfulnesse is to oure Lord God,
but schenschipe of oure face is to vs, as
this dai is, to al Juda, and to dwelleris in
Jerusalem,
16 to oure kyngis, and to oure
princes, to oure preestis, and to oure profetis,
and to oure fadris.
17 We synneden
bifor oure Lord God, and bileuyden not,
and tristiden not in hym.
18 And we weren
not redi to be suget to hym, and we
obeiden not to the vois of oure Lord God,
that we &yogh;eden in hise comaundementis,
whiche he &yogh;af to vs;
19 fro the dai in which
he ledde oure fadris out of the lond of
Egipt, til in to this dai, we weren vnbileueful
to oure Lord God; and we weren
scaterid, and &yogh;eden awei, that we herden
not the vois of hym.
20 And many yuels
and cursyngis, whiche the Lord ordeynede
to his seruaunt Moises, cleuyden to vs;
which Lord ledde oure fadris out of the
lond of Egipt, to &yogh;yue to vs a lond flowynge
mylk and hony, as in this dai.
21 And
we herden not the vois of oure Lord God,
bi alle the wordis of prophetis, whiche he
sente to vs, and to oure iugis;
22 and we
&yogh;eden awei, ech man in to the wit of his
yuel herte, to worche to alien goddis, and
we diden yuels bifore the i&yogh;en of oure
Lord God.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
