Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. V.
1 Cumpasse &yogh;e the weies of Jerusalem,
and loke, and biholde &yogh;e, and seke &yogh;e in
the stretis therof, whether &yogh;e fynden a
man doynge doom, and sekynge feith;
and Y schal be merciful to hem.
2 That if
also thei seien, The Lord lyueth, &yogh;he, thei
schulen swere this falsli.
3 Lord, thin i&yogh;en
biholden feith; thou hast smyte hem, and
thei maden not sorewe; thou hast al tobroke
hem, and thei forsoken to take
chastisyng; thei maden her faces hardere
than a stoon, and nolden turne a&yogh;en.
4 Forsothe Y seide, In hap thei ben pore
men, and foolis, that knowen not the weie
of the Lord, and the doom of her God.
5 Therfor Y schal go to the principal men, and
Y schal speke to hem; for thei knewen the
weie of the Lord, and the doom of her God.
And lo! thei han more broke togidere the
&yogh;ok, and han broke boondis.
6 Therfor a
lioun of the wode smoot hem; a wolf at
euentid wastide hem, a parde wakynge
on the citees of hem. Ech man that goith
out of hem, schal be takun; for the trespassyngis
of hem ben multiplied, the
turnyngis awei of hem ben coumfortid.
7 On what thing mai Y be merciful to thee?
Thi sones han forsake me, and sweren bi
hem that ben not goddis. Y fillide hem,
and thei diden auowtrie, and in the hous
of an hoore thei diden letcherie.
8 Thei
ben maad horsis, and stalouns, louyeris to
wymmen; ech man nei&yogh;ede to the wijf of
his nei&yogh;bore.
9 Whether Y schal not visite
on these thingis, seith the Lord, and
schal not my soule take veniaunce in
siche a folk?
10 Stye &yogh;e on the wallis therof,
and distrie &yogh;e; but nyle &yogh;e make an
endyng. Do &yogh;e awei the siouns therof,
for thei ben not seruauntis of the Lord.
11 For whi the hous of Israel and the hous
of Juda hath trespassid bi trespassyng
a&yogh;ens me, seith the Lord;
12 thei denyeden
-- --
the Lord, and seiden, He is not, nether
yuel schal come on vs; we schulen not se
swerd and hungur.
13 The profetis spaken
a&yogh;ens the wynd, and noon answer was in
hem; therfor these thingis schulen come
to hem.
14 The Lord God of oostis seith
these thingis, For &yogh;e spaken this word,
lo! Y &yogh;yue my wordis in thi mouth in to
fier, and this puple in to trees, and it
schal deuoure hem.
15 Lo! thou hous of
Israel, seith the Lord, Y schal brynge on
&yogh;ou a folk fro fer; a strong folk, an eeld
folk, `a folk whos langage thou schalt not
knowe, nether schalt vndurstonde what it
spekith.
16 The arowe caas therof is as
an opyn sepulcre; alle ben stronge men.
17 And it schal ete thi cornes, and it schal
deuoure thi breed, thi sones and thi
dou&yogh;tris; it schal ete thi flok, and thi
droues, it schal ete also thi vyner, and thi
fige tre; and it schal al to-breke thi
stronge citees bi swerd, in whiche thou
hast trist.
18 Netheles in tho daies, seith
the Lord, Y schal not make &yogh;ou in to
endyng.
19 That if &yogh;e seien, Whi hath oure
Lord God do alle these thingis to vs?
thou schalt seie to hem, As &yogh;e forsoken
me, and serueden an alien god in &yogh;oure
lond, so &yogh;e schulen serue alien goddis in a
lond not &yogh;oure.
20 Telle &yogh;e this to the hous
of Jacob, and make &yogh;e herd in Juda, and
seie &yogh;e,
21 Here, thou fonned puple, that hast
noon herte; whiche han i&yogh;en, and seen
not, and eeris, and heren not.
22 Therfor
schulen not &yogh;e drede me, seith the Lord,
and schulen not &yogh;e make sorewe for my
face? Whiche haue set grauel a terme,
ether ende, to the see, an euerlastynge
comaundement, whiche it schal not passe;
and the wawis therof schulen be mouyd,
and schulen not haue power; and schulen
wexe greet, and schulen not passe it.
23 Forsothe an herte vnbileueful and terrynge
to wraththe is maad to this puple;
thei departiden,
24 and &yogh;eden awei, and thei
-- --
seiden not in her herte, Drede we oure
Lord God, that &yogh;iueth to vs reyn tymeful,
and lateful in his tyme; that kepith to vs
the plente of heruest of the &yogh;eer.
25 &YOGH;oure
wickidnessis diden awei these thingis, and
&yogh;oure synnes forbediden good fro &yogh;ou.
26 For
ther ben foundun in my puple wickid
men, settynge tresoun, as fouleres settynge
snaris and trappis, to take men.
27 As a
net, ether a trap, ful of briddis, so the
housis of hem ben ful of gile. Therfor
thei ben magnefied,
28 and maad riche, maad
fat with ynne, and maad fat with outforth,
and thei passiden worst my wordis;
thei demyden not a cause of a widewe,
thei dressiden not the cause of a fadirles
child, and thei demyden not the doom of
pore men.
29 Whether Y schal not visite
on these thingis, seith the Lord, ether
schal not my soule take veniaunce on sich
a folk?
30 Wondur and merueilouse thingis
ben maad in the lond;
31 profetis profesieden
leesyng, and prestis ioieden with her
hondis, and my puple louyde siche thingis.
What therfor schal be don in the laste
thing therof?
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
