Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. VIII.
1 Forsothe the Lord hadde mynde of Noe,
and of alle lyuynge beestis, and of alle
werk beestis, that weren with hym in the
schip; and brou&yogh;te a wynd on the erthe.
2 And watris weren decreessid, and the
wellis of the see weren closid, and the
wyndowis of heuene weren closid, and
reynes of heuene weren ceessid.
3 And watrys
turneden a&yogh;en fro erthe, and &yogh;eden
a&yogh;en, and bigunnen to be decreessid aftir
an hundrid and fifti daies.
4 And the schip
restide in the seuenthe monthe, in the seuene
and twentithe dai of the monthe, on
the hillis of Armenye.
5 And sotheli the
watrys &yogh;eden and decresiden til to the
tenthe monethe, for in the tenthe monethe,
in the firste dai of the monethe, the coppis
of hillis apperiden.
6 And whanne fourti
daies weren passid, Noe openyde the wyndow
of the schip which he hadde maad,
and sente out a crowe,
7 which &yogh;ede out,
and turnede not a&yogh;en til the watris weren
dried on erthe. Also Noe sente out a culuer
-- --
aftir hym, to se if the watris hadden
ceessid thanne on the face of erthe;
9 and
whanne the culuer foond not where hir
foot schulde reste, sche turnede a&yogh;en to
hym in to the schip, for the watris weren
on al erthe; and Noe helde forth his
hoond, and brou&yogh;te the culuer takun in to
the schip.
10 Sotheli whanne othere seuene
daies weren abedun aftirward, eft he leet
out a culuer fro the schip;
11 and sche cam
to hym at euentid, and bare in hir mouth
a braunche of olyue tre with greene leeuys.
Therfor Noe vndirstood that the watris
hadden ceessid on erthe;
12 and neuerthelesse
he abood seuene othere daies, and
sente out a culuer, which turnede `no more
a&yogh;en to hym.
13 Therfor in the sixe hundrid
and o &yogh;eer of the lijf of Noe, in the firste
monethe, in the firste day of the monethe,
watris weren decreessid on erthe; and Noe
openede the roof of the schip, and bihelde
and sei&yogh; that the face of the erthe was
dried.
14 In the secunde monethe, in the
seuene and twentithe dai of the monethe,
the erthe was maad drie.
15 Sotheli the
Lord spak to Noe;
16 and seide, Go out of
the schip, thou, and thi wijf, thi sones,
and the wyues of thi sones with thee;
17 and
lede out with thee alle lyuynge beestis
that ben at thee of ech fleisch, as wel in
volatilis as in vnresonable beestis, and alle
`reptils that crepen on erthe; and entre
&yogh;e on the erthe, encreesse &yogh;e, and be &yogh;e
multiplied on erthe.
18 Therfor Noe &yogh;ede
out, and hise sones, and his wijf, and the
wyues of hise sones with hym;
19 but also
alle lyuynge beestis, and werk beestis, and
`reptils that crepen on erthe, bi her kynde,
&yogh;eden out of the schip.
20 Forsothe Noe
bildide an auter to the Lord, and he took
of alle clene beestis and briddis, and offride
brent sacrifices on the auter.
21 And the
Lord sauerede the odour of swetnesse, and
seide to hym, Y schal no more curse the
erthe for men, for the wit and thou&yogh;t of
-- --
mannus herte ben redi in to yuel fro &yogh;ong
wexynge age; therfor Y schal no more
smyte ech lyuynge soule as Y dide;
22 in
alle the daies of erthe, seed and ripe
corn, coold and heete, somer and wyntir,
ny&yogh;t and dai, shulen not reste.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
