1   Forsothe Jacob herde that foodis weren seeld in Egipt, and he seide to hise sones, Whi ben &yogh;e necgligent? 2   Y herde that wheete is seeld in Egipt, go &yogh;e doun, and bie &yogh;e necessaries to vs, that we moun lyue, and be not wastid bi nedynesse. 3   Therfor ten britheren of Joseph &yogh;eden doun to bie wheete in Egipt, 4   and Beniamyn was withholdun of Jacob at hoome, that seide to hise britheren, Lest perauenture in the weie he suffre ony yuel. 5   Sotheli thei entriden in to the lond of Egipt, with othere men that &yogh;eden to bie; forsothe hungur was in the lond of Canaan. 6   And Joseph was prince of Egipt, and at his wille whetis weren seeld to puplis. And whanne hise britheren hadden worschipid hym, 7   and he hadde knowe hem, he spak hardere as to aliens, and axide hem, Fro whennus camen &yogh;e? Whiche answeriden, Fro the lond of Canaan, that we bie necessaries to lyiflode. 8   And netheles he knewe the britheren, and he was not knowun of hem, 9   and he bithou&yogh;te on the dremys whiche he sei&yogh; sumtyme.

And he seide to hem, &YOGH;e ben aspieris, &yogh;e camen to se the feblere thingis of the lond. 10   Whiche seiden, Lord, it is not so, but thi seruauntis camen to bie metis; 11   alle we ben the sones of o man, we comen pesible, and thi seruauntis ymaginen not ony yuel. 12   To `whiche he answeride, It is in other maner, &yogh;e camen to se the feble thingis of the lond. 13   And thei seiden, `We twelue britheren, thi seruauntis, ben sones of o man in the lond of Canaan; the leeste is with oure fadir, an other is not `on erthe. 14   This it is, he seide, that Y spak to &yogh;ou, 15   &yogh;e ben aspieris, ri&yogh;t now Y schal take experience of &yogh;ou, bi the helthe of Farao &yogh;e schulen not go fro hennus, til &yogh;oure leeste brother come; sende &yogh;e oon of &yogh;ou, 16   that he brynge hym, forsothe &yogh;e schulen be in boondis, til tho thingis that &yogh;e seiden ben preued, whether tho ben false ether trewe; ellis, bi the helthe of Farao, &yogh;e ben aspieris. 17   Therfor he bitook hem to kepyng thre daies; sotheli in the thridde dai, 18   whanne thei weren led out of prisoun, he seide, Do &yogh;e that that Y seide, and &yogh;e schulen lyue, for Y drede God; 19   if &yogh;e ben pesible, o brother of &yogh;ou be boundun in prisoun; forsothe go &yogh;e, and bere wheetis, whiche &yogh;e bou&yogh;ten, 20   in to &yogh;oure housis, and brynge &yogh;e &yogh;oure leeste brother to me, that Y may preue &yogh;oure wordis, and &yogh;e die not. Thei diden as he seide, 21   and thei spaken togidere, Skilfuli we suffren these thingis, for we synneden a&yogh;ens oure brother, and we sei&yogh;en the anguysch of his soule, while he preiede vs, and we herden not; herfore this tribulacioun cometh on vs. 22   Of which oon, Ruben, seide, Whether Y seide not to &yogh;ow, Nyle &yogh;e do synne a&yogh;ens the child, and &yogh;e herden not me? lo! his blood is sou&yogh;t. 23   Sotheli thei wisten not that Joseph vndirstood, for he spak to hem by interpretour.

24   And he turnede awei hym silf a litil and wepte; and he turnede a&yogh;en, and spak to hem. 25   And he took Symeon, and boond hym, while thei weren present; and he comaundide the mynystris, that thei schulden fille her sackis with wheete, and that thei schulden putte the money `of alle in her baggis, and ouer this &yogh;yue metis in the weie; whiche diden so. 26   And thei `baren wetis on her assis, and &yogh;eden forth, 27   and whanne the sak of oon was opened that he schulde &yogh;yue meete to the werk beeste in the yn, he bihelde the money in the mouth of the bagge, 28   and seide to his britheren, My monei is &yogh;oldun to me, lo! it is had in the bagge; and thei weren astonyed, and troblid, and seiden togidere, What thing is this that God hath doon to us. 29   And thei camen to Jacob, her fadir, in the loond of Canaan, and telden to hym alle thingis that bifelden to hem, and seiden, 30   The lord of the lond spak harde to vs, and gesside that we weren aspieris of the prouynce; 31   to whom we answeriden, We ben pesible, nether we purposen ony tresouns; 32   we ben twelue britheren, gendrid of o fadir, oon is not `on erthe, the leeste dwellith with the fadir in the lond of Canaan. 33   And he seide to vs, Thus Y schal preue that &yogh;e ben pesible; leeffe &yogh;e o brother of &yogh;ou with me, and take &yogh;e metis nedeful to &yogh;oure housis, and go &yogh;e, and brynge &yogh;e to me &yogh;oure leeste brother, 34    that Y wite that &yogh;e ben not aspieris, and that &yogh;e moun resseyue this brother which is holdun in boondis, and that fro thennus forth &yogh;e haue licence to bie what thingis &yogh;e wolen. 35   While these thingis weren seide, whanne alle schedden out wheetis, thei founden money boundun in `the mouth of sackis. And whanne alle togidere weren aferd, 36   the fadir Jacob seide, &YOGH;e han maad me to be with out children; Joseph is not alyue, Symeon is holdun in bondis, &yogh;e

schulen take a wey fro me Beniamyn; alle these yuels felden in me. 37   To whom Ruben answeride, Sle thou my twei sones, if Y shal not brynge hym a&yogh;en to thee; take thou hym in myn hond, and Y schal restore hym to thee. 38   And Jacob seide, My sone schal not go doun with &yogh;ou; his brother is deed, he aloone is left; if ony aduersite schal bifalle `to hym in the lond to which &yogh;e schulen go, &yogh;e schulen lede forth myn hoore heeris with sorewe to hellis.

Previous section

Next section