Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XL.
1 Whanne these thingis weren doon so,
it bifelde that twei geldyngis, the boteler
and the baker `of the kyng of Egipt, synneden
to her lord.
2 And Farao was wrooth
a&yogh;ens hem, for the toon was `souereyn to
boteleris, the tother was `souereyn to
-- --
bakeris.
3 And he sente hem in to the prisoun
of the prince of kny&yogh;tis, in which
also Joseph was boundun.
4 And the keper
of the prisoun bitook hem to Joseph, which
also `mynystride to hem. Sumdel of tyme
passide, and thei weren hooldun in kepyng,
and bothe sien a dreem in o ny&yogh;t,
5
bi couenable expownyng to hem.
6 And
whanne Joseph hadde entrid to hem eerli,
and hadde seyn hem sori,
7 he axide hem,
and seide, Whi is &yogh;oure `face soriere to
dai than it ys wont?
8 Whiche answeriden,
We sei&yogh;en a dreem, and `noon is that expowneth
to vs. And Joseph seide to hem,
Whether expownyng is not of God? Telle
&yogh;e to me what &yogh;e han seyn.
9 The `souereyn
of boteleris telde first his dreem; Y sei&yogh;
that a vyne bifore me,
10 in which weren
thre siouns, wexide litil and litil in to
buriounnyngis, and that aftir flouris
grapys wexiden ripe,
11 and the cuppe of
Farao was in myn hond; therfor Y took
the grapis, and presside out in to the
cuppe which Y helde, and Y &yogh;af drynk
to Farao.
12 Joseph answerde, This is the
expownyng of the dreem; thre siouns ben
&yogh;it thre daies,
13 aftir whiche Farao schal
haue mynde of thi seruyce, and he schal
restore thee in to the firste degree, and
thou schal &yogh;yue to hym the cuppe, bi thin
office, as thou were wont to do bifore.
14 Oneli haue thou mynde on me, whanne
it is wel to thee, and thou schalt do merci
with me, that thou make suggestioun to
Farao, that he lede me out of this prisoun;
15 for theefli Y am takun awei fro
the lond of Ebrews, and here Y am sent
innocent in to prisoun.
16 The `maister of
bakeris sei&yogh;e that Joseph hadde expowned
prudentli the dreem, and he seide,
And Y sei&yogh; a dreem, that Y hadde thre
panyeris of mele on myn heed,
17 and Y
gesside that Y bar in o panyere, that
was hei&yogh;ere, alle metis that ben maad bi
-- --
craft of bakers, and that briddis eeten
therof.
18 Joseph answerde, This is the expownyng
of the dreem; thre panyeris ben
&yogh;it thre daies,
19 aftir whiche Farao schal
take awei thin heed, and he schal hange
thee in a cros, and briddis schulen todrawe
thi fleischis.
20 Fro thennus the
thridde dai was the dai of birthe of Farao,
which made a greet feeste to hise
children, and hadde mynde among metis
on the maistir `of boteleris, and on the
prince of bakeris;
21 and he restoride the
oon in to his place, that he schulde
dresse cuppe to `the kyng,
22 and he hangide
`the tothir in a gebat, that the treuthe of
`the expownere schulde be preued.
23 And
netheles whanne prosperitees bifelden, the
`souereyn of boteleris for&yogh;at `his expownere.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
