Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XVII.
1 Forsothe aftir that Abram bigan to be
of nynti &yogh;eer and nyne, the Lord apperide
to hym, and seide to him, Y am Almy&yogh;ti
God; go thou bifore me, and be thou perfit;
2 and Y schal sette my couenaunt of pees
bitwixe me and thee; and Y schal multiplie
thee ful greetli.
3 And Abram felde
doun lowe on his face.
4 And God seide to
hym, Y am, and my couenaunt of pees is
with thee, and thou schalt be the fadir of
many folkis;
5 and thi name schal no more
be clepid Abram, but thou schalt be clepid
Abraham, for Y haue maad thee fadir of
many folkis;
6 and Y schal make thee to
wexe ful greetli, and Y schal sette thee in
folkis, and kyngis schulen go out of thee;
7 and Y schal make my couenaunt bitwixe
me and thee, and bitwixe thi seed after
thee, in her generaciouns, bi euerlastynge
bond of pees, that Y be thi God, and of
thi seed after thee;
8 and Y schal &yogh;yue to
thee and to thi seed after thee the lond of
thi pilgrymage, al the lond of Chanaan,
in to euerlastynge possessioun, and Y schal
be the God of hem.
9 God seide eft to
Abraham, And therfor thou schalt kepe
my couenaunt, and thi seed after thee, in
her generaciouns.
10 This is my couenaunt,
which &yogh;e schulen kepe bitwixe me and
-- --
&yogh;ou, and thi seed after thee; ech male
kynde of &yogh;ou schal be circumcidid,
11 and &yogh;e
schulen circumside the fleisch of &yogh;oure
mannes &yogh;eerd, that it be in to a signe of
boond of pees bytwixe me and &yogh;ou.
12 A &yogh;ong
child of ei&yogh;te daies schal be circumsidid in
&yogh;ou, al male kynde in &yogh;oure generaciouns,
as wel a borun seruaunt as a seruaunt
bou&yogh;t schal be circumsidid, and who euere
is of &yogh;oure kynrede he schal be circumsidid;
13 and my couenaunt schal be in &yogh;oure
fleisch in to euerlastynge boond of pees.
14 A man whos fleisch of his &yogh;erde schal not
be circumsidid, thilke man schal be doon
a wei fro his puple; for he made voide my
couenaunt.
15 Also God seide to Abraham,
Thou schalt not clepe Saray, thi wijf, Sarai,
but Sara;
16 and Y schal blesse hir, and
of hir I schal &yogh;yue to thee a sone, whom I
schal blesse, and he schal be in to naciouns,
and kyngis of puplis schulen be borun of
hym.
17 Abraham felde doun on his face,
and lei&yogh;ede in his hert, and seide, Gessist
thou, whethir a sone schal be borun to a
man of an hundrid &yogh;eer, and Sara of nynti
&yogh;eer schal bere child?
18 And he seide to
the Lord, Y wolde that Ismael lyue bifore
thee.
19 And the Lord seide to Abraham,
Sara, thi wijf, schal bere a sone to thee,
and thou schalt clepe his name Ysaac, and
Y schal make my couenaunt to hym in to
euerlastynge boond of pees, and to his seed
aftir hym;
20 also on Ysmael Y haue herd
thee, lo! Y schal blesse him, and Y schal
encreesse, and Y schal multiplie him greetli;
he schal gendre twelue dukis, and Y schal
make hym in to a greet folk.
21 Forsothe Y
schal make my couenaunt to Ysaac, whom
Sare schal childe to thee in this tyme in
the tother &yogh;eer.
22 And whanne the word
of the spekere with hym was endid, God
stiede fro Abraham.
23 Forsothe Abraham
took Ismael, his sone, and alle the borun
seruauntis of his hous, and alle which he
hadde bou&yogh;te, alle the malis of alle men of
his hous, and circumsidide the fleisch of
her &yogh;erde, anoon in that dai, as the Lord
-- --
comaundide him.
24 Abraham was of nynti
&yogh;eer and nyne whanne he circumsidide
the fleisch of his &yogh;eerd,
25 and Ismael, his
sone, hadde fillid threttene &yogh;eer in the
tyme of his circumsicioun.
26 Abraham was
circumsidid in the same day, and Ismael
his sone,
27 and alle men of his hows, as
wel borun seruauntis as bou&yogh;t and aliens,
weren circumcidid togidre.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|