Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 In the bigynnyng God made of nou&yogh;t
heuene and erthe.
2 Forsothe the erthe was
idel and voide, and derknessis weren on
the face of depthe; and the Spiryt of the
Lord was borun on the watris.
3 And God
seide, Li&yogh;t be maad, and li&yogh;t was maad.
4 And God sei&yogh; the li&yogh;t, that it was good,
and he departide the li&yogh;t fro derknessis;
and he clepide the li&yogh;t,
5 dai, and the derknessis,
ny&yogh;t. And the euentid and morwetid
was maad, o daie.
6 And God seide,
The firmament be maad in the myddis of
watris, and departe watris fro watris.
7 And
God made the firmament, and departide
the watris that weren vndur the firmament
fro these watris that weren on the firmament;
and it was don so.
8 And God
clepide the firmament, heuene. And the
euentid and morwetid was maad, the secounde
dai.
9 Forsothe God seide, The watris,
that ben vndur heuene, be gaderid in
to o place, and a drie place appere; and
it was doon so.
10 And God clepide the drie
place, erthe; and he clepide the gadryngis
togidere of watris, the sees. And God
sei&yogh; that it was good;
11 and seide, The erthe
brynge forth greene eerbe and makynge
seed, and appil tre makynge fruyt bi his
kynde, whos seed be in it silf on erthe;
and it was doon so.
12 And the erthe brou&yogh;te
forth greene erbe and makynge seed bi his
kynde, and a tre makynge fruyt, and ech
-- --
hauynge seed by his kynde. And God
sei&yogh; that it was good.
13 And the euentid
and morwetid was maad, the thridde dai.
14 Forsothe God seide, Li&yogh;tis be maad in the
firmament of heuene, and departe tho the
dai and ni&yogh;t; and be tho in to signes, and
tymes, and daies, and &yogh;eeris;
15 and shyne
tho in the firmament of heuene, and li&yogh;tne
tho the erthe; and it was doon so.
16 And
God made twei grete li&yogh;tis, the gretter li&yogh;t
that it schulde be bifore to the dai, and
the lesse li&yogh;t that it schulde be bifore to
the ni&yogh;t;
17 and God made sterris; and settide
tho in the firmament of heuene, that
tho schulden schyne on erthe,
18 and that
tho schulden be bifore to the dai and
ny&yogh;t, and schulden departe li&yogh;t and derknesse.
And God sei&yogh; that it was good.
19 And the euentid and the morwetid was
maad, the fourthe dai.
20 Also God seide, The
watris brynge forth a `crepynge beeste of
lyuynge soule, and a brid fleynge aboue
erthe vndur the firmament of heuene.
21 And God made of nou&yogh;t grete whallis, and
ech lyuynge soule and mouable, whiche
the watris han brou&yogh;t forth in to her
kyndis; and God made of nou&yogh;t ech volatile
bi his kynde. And God sei&yogh; that it
was good;
22 and blesside hem, and seide,
Wexe &yogh;e, and be &yogh;e multiplied, and fille &yogh;e
the watris of the see, and briddis be multiplied
on erthe.
23 And the euentid and
the morwetid was maad, the fyuethe dai.
24 And God seide, The erthe brynge forth a
lyuynge soul in his kynde, werk beestis,
and `crepynge beestis, and vnresonable
beestis of erthe, bi her kyndis; and it was
don so.
25 And God made vnresonable beestis
of erthe bi her kyndes, and werk beestis,
`and ech crepynge beeste of erthe in his
kynde. And God sei&yogh; that it was good;
and seide,
26 Make we man to oure ymage
and liknesse, and be he souereyn to the
-- --
fischis of the see, and to the volatilis of
heuene, and to vnresonable beestis of erthe,
and to ech creature, and to ech `crepynge
beest, which is moued in erthe.
27 And
God made of nou&yogh;t a man to his ymage
and liknesse; God made of nou&yogh;t a man,
to the ymage of God; God made of nou&yogh;t
hem, male and female.
28 And God blesside
hem, and seide, Encreesse &yogh;e, and be &yogh;e
multiplied, and fille &yogh;e the erthe, and
make &yogh;e it suget, and be &yogh;e lordis to fischis
of the see, and to volatilis of heuene, and
to alle lyuynge beestis that ben moued
on erthe.
29 And God seide, Lo! Y haue
&yogh;oue to &yogh;ou ech eerbe berynge seed on
erthe, and alle trees that han in hem silf
the seed of her kynde, that tho be in to
mete to &yogh;ou;
30 and to alle lyuynge beestis
of erthe, and to ech brid of heuene, and
to alle thingis that ben moued in erthe,
and in whiche is a lyuynge soule, that
tho haue to ete; and it was doon so.
31 And God sei&yogh; alle thingis whiche he
made, and tho weren ful goode. And
the euentid and morwetid was maad, the
sixte day.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
