Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. LVIII.
1 Crye thou, ceesse thou not; as a trumpe
enhaunse thi vois, and schewe thou to my
puple her grete trespassis, and to the hous
of Jacob her synnes.
2 For thei seken me
fro dai in to dai, and thei wolen knowe
my weies; as a folk, that hath do ri&yogh;tfulnesse,
and that hath not forsake the doom
of her God; thei preien me domes of ri&yogh;tfulnesse,
and wolen nei&yogh; to God.
3 Whi
fastiden we, and thou biheldist not; we
mekiden oure soulis, and thou knewist
not? Lo! &yogh;oure wille is foundun in the
dai of &yogh;oure fastyng, and &yogh;e axen alle &yogh;oure
dettouris.
4 Lo! &yogh;e fasten to chidyngis and
stryuyngis, and smyten with the fist wickidli.
Nyl &yogh;e fast, as `til to this dai, that
&yogh;oure cry be herd an hi&yogh;.
5 Whether sich is
the fastyng which Y chees, a man to turmente
his soule bi dai? whether to bynde
his heed as a sercle, and to make redi a
sak and aische? Whethir thou schalt clepe
this a fastyng, and a dai acceptable to the
Lord?
6 Whether not this is more the fastyng,
which Y chees? Vnbynde thou the
byndingis togidere of vnpitee, releesse
thou birthuns pressynge doun; delyuere
thou hem free, that ben brokun, and breke
thou ech birthun.
7 Breke thi breed to an
hungri man, and brynge in to thin hous
nedi men and herborles; whanne thou
seest a nakid man, hile thou hym, and
dispise not thi fleisch.
8 Thanne thi li&yogh;t
schal breke out as the morewtid, and thin
helthe schal rise ful soone; and thi ri&yogh;tfulnesse
schal go bifore thi face, and the
glorie of the Lord schal gadere thee.
9 Thanne thou schalt clepe to help, and the
Lord schal here; thou schalt crie, and he
schal seie, Lo! Y am present, for Y am
merciful, thi Lord God. If thou takist
awei a chayne fro the myddis of thee,
and ceessist to holde forth the fyngur,
-- --
and to speke that profitith not;
10 whanne
thou schedist out thi soule to an hungri
man, and fillist a soule, `that is turmentid,
thi li&yogh;t schal rise in derknessis, and thi
derknessis schulen be as myddai.
11 And the
Lord thi God schal &yogh;yue euere reste to
thee, and schal fille thi soule with schynyngis,
and schal delyuere thi boonys; and
thou schalt be as a watri gardyn, and as a
welle of watris, whose waters schulen not
faile.
12 And the forsakun thingis of worldis
schulen be bildid in thee, and thou schalt
reise the foundementis of generacioun and
generacioun; and thou schalt be clepid a
bildere of heggis, turnynge awei the pathis
of wickidnessis.
13 If thou turnest awei thi
foot fro the sabat, to do thi wille in myn
hooli dai, and clepist the sabat delicat, and
hooli, the gloriouse of the Lord, and glorifiest
him, while thou doist not thi weies,
and thi wille is not foundun, that thou
speke a word;
14 thanne thou schalt delite
on the Lord, and Y schal reise thee on
the hi&yogh;nesse of erthe, and Y schal fede
thee with the eritage of Jacob, thi fadir;
for whi the mouth of the Lord spak.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
