Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XLVI.
1 Bel is brokun, Nabo is al to-brokun;
her symylacris lijk to wielde beestis and
werk beestis ben brokun; &yogh;oure birthuns
-- --
2 with heuy charge `til to werynesse weren
rotun, and ben al to-brokun togidere; tho
mi&yogh;ten not saue the berere, and the soule
of hem schal go in to caitifte.
3 The hous
of Jacob, and al the residue of the hous of
Israel, here &yogh;e me, whiche ben borun of
my wombe, whiche ben borun of my
wombe.
4 Til to eelde Y my silf, and
til to hoor heeris Y schal bere; Y made,
and Y schal bere, and Y schal saue.
5 To
whom han &yogh;e licned me, and maad euene,
and han comparisound me, and han maad
lijk?
6 Whiche beren togidere gold fro the
bagge, and peisen siluer with a balaunce,
and hiren a goldsmyth to make a god,
and thei fallen doun, and worschipen;
thei berynge beren in schuldris,
7 and settynge
in his place; and he schal stonde,
and schal not be mouyd fro his place; but
also whanne thei crien to hym, he schal
not here, and he schal not saue hem fro
tribulacioun.
8 Haue &yogh;e mynde of this, and
be &yogh;e aschamed; &yogh;e trespassouris, go a&yogh;en
to the herte.
9 Bithenke &yogh;e on the formere
world, for Y am God, and no God is ouer
me, nether is lijk me.
10 And Y telle fro the
bigynnyng the laste thing, and fro the
bigynnyng tho thingis that ben not maad
&yogh;it; and Y seie, My councel schal stonde,
and al my wille schal be don.
11 And Y clepe
a brid fro the eest, and the man of my
wille fro a ferr lond; and Y spak, and Y
schal brynge that thing; Y haue maad of
nou&yogh;t, and Y schal make that thing.
12 &YOGH;e
of hard herte, here me, that ben fer fro
ri&yogh;tfulnesse.
13 Y made ny&yogh; myn ri&yogh;tfulnesse,
it schal not be drawun afer, and myn
helthe shal not tarie; Y schal &yogh;yue helthe
in Sion, and my glorie in Israel.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
