Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XV.
1 The birthun of Moab. For Ar was
destried in ni&yogh;t, Moab was stille; for the
wal was distried in the ni&yogh;t, Moab was
stille.
2 The kingis hous, and Dybon stieden
to hi&yogh; places, in to weilyng; on Nabo, and
on Medaba Moab schal &yogh;elle. In alle hedis
therof schal be ballidnesse, and ech beerd
schal be schauun.
3 In the meetyng of
thre weies therof thei ben gird in a sak,
alle &yogh;ellyng on the housis therof and in
the stretis therof; it schal go doun in to
-- --
wepyng.
4 Esebon schal crie, and Eleale,
the vois of hem is herd `til to Jasa; on
this thing the redi men of Moab schulen
&yogh;elle, the soule therof schal &yogh;elle to it silf.
5 Myn herte schal crie to Moab, the barris
therof `til to Segor, a cow calf of thre
&yogh;eer. For whi a wepere schal stie bi the
stiyng of Luith, and in the weie of Oronaym
thei schulen reise cry of sorewe.
6 For whi the watris of Nemrym schulen be
forsakun; for the eerbe dried up, buriownyng
failide, al grenenesse perischide.
7 Bi
the greetnesse of werk, and the visityng of
hem, to the stronde of salewis thei schulen
lede hem.
8 For whi cry cumpasside the
ende of Moab; `til to Galym the &yogh;ellyng
therof, and the cry therof `til to the pit of
Helym.
9 For the watris of Dibon ben
fillid with blood; for Y schal sette encreessyngis
on Dibon, to tho men of Moab that
fledden fro the lioun, and to the relifs of
the lond.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
