Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XLVI.
1 Jhesus Naue, the successour of Moises
in profetis, was strong in batel, that was
greet bi his name.
2 The gretteste in to
the helthe of chosun men of God, to ouercome
-- --
enemyes risynge a&yogh;ens hem, that he
schulde gete the erytage of Israel.
3 Which
glorie he gat in reysynge his hondis, and
in castynge scharpe arowis a&yogh;ens citees.
4 Who bifore hym a&yogh;enstood so? for whi
the Lord hym silf smoot the enemyes.
5 Whether the sunne was not lettid in the
wrathfulnesse of hym, and o dai was maad
as tweyne?
6 He clepide to help the hi&yogh;este
God, my&yogh;ti in ouercomynge enemyes on
ech side; and God, greet and hooli, herde
hym, in stoonys of hail of ful greet vertu.
7 He made asau&yogh;t a&yogh;ens the folk enemy, and
in the comynge doun he loste the aduersaries;
8 that hethene men knowe the my&yogh;t
of hym, for it is not esy to fi&yogh;te a&yogh;ens the
Lord; and he suede my&yogh;ti men at the bak.
9 And in the daies of Moises he and Caleph,
the sone of Jephone, diden merci; to stonde
a&yogh;ens the enemye, and to forbede the folk
fro synnes, and to refreyne the grutchyng
of malice.
10 And thei tweyne weren stidfast,
and weren delyuered fro perel, of the
noumbre of sixe hundrid thousynde `foot
men, to brynge hem in to the eritage, in
to the lond that flowith mylk and hony.
11 And the Lord &yogh;af strengthe to thilke Caleph,
and til in to elde vertu dwellide
perfitli to hym; that he stiede in to the
hi&yogh; place of the lond, and his seed gat
eritage.
12 And alle the children of Israel
sien, that it is good to obeie to hooli God.
13 And alle iugis bi her name, the herte of
whiche was not corrupt note, weren strong
in batel, which weren not turned awei fro
the Lord;
14 that the mynde of hem be in
blessyng, and her boonys apperen fro her
place;
15 and her name dwellith with outen
ende, for the glorie of hooli men dwellith
at the sones of hem.
16 Samuel, the profete
of the Lord, that was louyd of his Lord
God, made newe the empire note, and anoyntide
prynces in his folk.
17 In the lawe of
the Lord he demyde the congregacioun,
and he si&yogh; the Lord of Jacob, and in his
feith he was preued a profete.
18 And he
-- --
was knowun feithful in hise wordis, for he
si&yogh; the Lord of li&yogh;t.
19 And he clepide in to
help the Lord almy&yogh;ti, in ouercomynge
enemyes stondynge aboute on ech side, in
the offrynge of a man vndefoulid.
20 And
the Lord thundride fro heuene, and in
greet soun he made his vois herd.
21 And
he al to-brak the princes of men of Tyre,
and alle the duykis of Filisteis.
22 And bifore
the tyme of ende of his lijf, and of
the world, he &yogh;af witnessyng in the si&yogh;t
of the Lord, and of Crist note; he took not
of ony man richessis, &yogh;he, til to schoon;
and no man accuside hym.
23 And after
this he slepte, and he made knowun to
the kyng note, and he schewide to hym the
ende of his lijf; and he enhaunside his
vois fro the erthe in profesie, to do awei
the wickidnesse of the folc.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
