Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XLI.
1 A! deth, thi mynde is ful bittir to an
vniust man, and hauynge pees in hise
richessis;
2 to a restful man, and whose
weies ben dressid note in alle thingis, and &yogh;it
my&yogh;ti to take mete.
3 A! deth, thi doom
is good to a nedi man, and which is maad
lesse in strengthis,
4 and failith for age, and
to whom is care of alle thingis, and vnbileueful,
that leesith wisdom.
5 Nyle thou
drede the doom of deth note; haue thou
mynde what thingis weren byfore thee,
and what thingis schulen come on thee;
this dom is of the Lord to ech man.
6 And
tho thingis that schulen come on thee in
the good plesaunce of the hi&yogh;este; whethir
ten &yogh;eer, ether an hundrid, ether a
thousynde.
7 For whi noon accusyng note of
lijf is in helle.
8 The sones of abhomynaciouns
ben the sones of synneris; and thei
that dwellen bisidis the housis of wickid
men.
9 The eritage of the sones of synneris
schal perische; and the contynuaunce
of schenschipe with the seed of
hem.
10 Sones playnen of a wickid fadir;
for thei ben in schenschip for hym.
11 Wo
to &yogh;ou, &yogh;e wickid men, that han forsake
the lawe of the hi&yogh;este.
12 And if &yogh;e be
borun, &yogh;e schulen be borun in cursidnesse;
and if &yogh;e ben deed, &yogh;oure part schal be in
cursidnesse.
13 Alle thingis that ben of the
erthe, schulen turne in to the erthe; so
wickid men schulen turne fro cursyng note
in to perdicioun.
14 The morenyng of men
is in the bodi of hem; but the name of
wickid men schal be doon awei.
15 Haue
thou bisynesse of a good name; for whi
-- --
this schal dwelle more with thee, than a
thousynde tresouris grete and preciouse.
16 The noumbre of daies is the terme of
good lijf; but a good name schal dwelle
with outen ende.
17 Sones, kepe &yogh;e techyng
in pees; for whi wisdom hid, and tresour
vnseyn, what profit is in euer either?
18 Betere is a man note that hidith his foli, than
a man that hidith his wisdom.
19 Netheles
turne &yogh;e a&yogh;en in these thingis that comen
forth of my mouth.
20 For it is not good to
kepe alle vnreuerence, and not alle thingis
plesen alle men in feith.
21 Be &yogh;e aschamed
of fornycacioun, bifor fadir, and bifor
modir; and of a leesyng, bifore a iustice,
and bifore a my&yogh;ti man;
22 and of trespas,
bifor a prince, and bifore a iuge; and of
wickidnesse, bifore a synagoge, and a puple;
and of vnri&yogh;twisnesse,
23 bifore a felow,
and a frend;
24 and of thefte note, in the place
where ynne thou dwellist; of the treuthe
and testament of God; of sittyng at the
mete in looues, and of the blemyschyng
of &yogh;ifte, and takyng;
25 of stilnesse, bifore
hem that greeten; of the biholdyng of a
letcherouse womman, and of the turnyng
a wey of the cheer of a cosyn.
26 Turne
thou not awey the face fro thi nei&yogh;bore;
and be thou war of takyng a wei a part,
and not restorynge.
27 Biholde thou not the
womman of an othere man; and enserche
thou not her hand maide, nether stonde
thou at hir bed.
28 Be thou war of frendis,
of the wordis of vpbreidyng; and whanne
thou hast &yogh;oue, vpbreide thou not.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
