Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXXIX.
1 A wijs man schal seke out the wisdom
of alle elde men note; and he schal &yogh;yue tent
in profetis.
2 He schal kepe the tellyng of
named men; and he schal entre togidere
in to the hard sentensis of parablis.
3 He
schal seke out the pryuy thingis of prouerbis;
and he schal be conuersaunt in the
hid thingis of parablis.
4 He schal mynystre
in the myddis of grete men; and
he schal appere in the si&yogh;t of the cheef
iuge.
5 He schal passe in to the lond of
alien folkis; for he schal asaie goodis, and
yuels in alle thingis.
6 He schal &yogh;yue his
herte to wake eerli to the Lord that made
hym; and he schal biseche in the si&yogh;t of
the hi&yogh;este.
7 He schal opene his mouth
in preier; and he schal biseche for hise
trespassis.
8 For if the grete Lord wole,
-- --
he schal fille hym with the spirit of vndurstondyng.
9 And he schal sende the
wordis of his wisdom, as reynes; and in
preier he schal knouleche to the Lord.
10 And he note schal dresse his counsel, and
techyng; and schal councele in hise hid
thingis.
11 He schal make opene the wisdom
of his techyng; and he schal haue
glorie in the lawe of the testament of the
Lord.
12 Many men schulen preyse his wisdom;
and it schal not be don awey til in
to the world.
13 His mynde schal not go
awei; and his name schal be sou&yogh;t fro
generacioun in to generacioun.
14 Folkis
schulen telle out his wisdom note; and the
chirche schal telle his preisyng.
15 If his
name dwellith note, he schal leeue more than
a thousynde; and if he restith, it schal
profite to hym.
16 &YOGH;it Y schal take councel
to telle out, for Y am fillid as with woodnesse;
17 and myn ynnere spirit seith in
vois, &YOGH;e fruytis of God, here me, and make
&yogh;e fruyt, as roosis plauntide on the ryuers
of watris.
18 Haue &yogh;e odour of swetnesse,
as the Liban hath.
19 Bringe forth flouris,
as a lilee; &yogh;yue &yogh;e odour, and make &yogh;e
boowis in to grace. And preise &yogh;e togidere
a song; and blesse &yogh;e the Lord in hise
werkis.
20 &YOGH;yue &yogh;e greet onour to his name,
and knouleche &yogh;e to him in the vois of
&yogh;oure lippis, in songis of lippis, and in
harpis; and thus &yogh;e schulen seie in knouleching,
21 Alle the werkis of the Lord ben
ful goode.
22 Forsothe watir as an heepe
of stoonys stood at his word; and as
resettis of watris in the word of his
mouth.
23 For whi pesiblenesse is maad in
his comaundement; and no defaute is in
the heelthe of hym note.
24 The werkis of ech
fleisch ben bifore hym; and no thing is
hid fro hise i&yogh;en.
25 He biholdith fro the
world til in to the world; and no thing is
-- --
wondurful in his si&yogh;t.
26 It is not to seie,
What is this thing, ether, What is that
thing? for whi alle thingis schulen be
sou&yogh;t in her tyme.
27 The blessyng of hym
schal flowe as a flood;
28 and as the grete
flood fillide greteli the erthe, so his yre
schal enherite in folkis, that sou&yogh;ten not
hym.
29 As he turnede watris in to drynessis,
and the erthe was dried, and hise
weies note weren dressid to the weies of hem;
so offenciouns in his ire ben dressid to
synneris.
30 Goode thingis weren maad at
the bigynnyng to goode men; so goode
thingis and yuele ben maad to worste
men.
31 The bigynnyng of nedeful thing to
the lijf of men, watir, fier, and yrun, and
salt, and mylk, and breed of cleene flour
of whete, and hony, and a clustre of
grape, and oile, and cloth.
32 Alle these
thingis schulen turne to hooli men in to
goodis; so and to vnfeithful men and
synneris in to yuels.
33 Spiritis ben that ben
maad to veniaunce note; and in her woodnesse
thei confermyden her turmentis.
34 And in the tyme of endyng thei schulen
schede out vertu; and thei schulen confounde note
the strong veniaunce of hym that
made hem.
35 Fier, hail, hungur, and deth;
alle these thingis ben maad to veniaunce;
the teeth of beestis,
36 and scorpiouns, and
serpentis, and a swerd punyschynge wickid
men in to destriyng.
37 In the comaundementis
of hym tho schulen ete note, and tho
schulen be maad redi on the erthe in nede;
and in her tymes tho schulen not passe o
word.
38 Therfor fro the bigynnyng Y was
confermed; and Y counselide, and thou&yogh;te,
and lefte writun.
39 Alle the werkis of the
Lord ben goode; and ech werk schal serue
in his our.
40 It is not to seie, This is worse
than that; for whi alle thingis schulen
be preued in her tyme.
41 And now in al
-- --
the herte and mouth preise &yogh;e togidere,
and blesse &yogh;e the name of the Lord.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
