Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXX.
1 He that loueth his sone, &yogh;yueth bisili
betingis to hym, that he be glad in hise
laste thing, and that the sone touche note not
-- --
the doris of nei&yogh;boris.
2 He that techith
his sone, schal be preisid in hym; and
schal haue glorie in hym in the myddis
of menyals.
3 He that techith his sone,
sendith the enemye in to enuye; and in
the myddis of frendis he schal haue glorie
in that sone.
4 The fadir of hym is deed,
and he is as not deed; for he hath left
aftir hym a sone lijk hym.
5 He si&yogh; in his
lijf, and was glad in hym; and in his deth
he was not sori, nether was aschamed bifore
enemyes.
6 For he lefte a defendere
of the hous a&yogh;ens enemyes; and &yogh;eldynge
grace to frendis.
7 For the soulis note of sones
he schal bynde togidere hise woundis;
and hise entrails schulen be disturblid on
ech vois.
8 An hors vntemyd, `ether vnchastisid,
schal ascape hard, and a sone
vnchastisid schal ascape heedi.
9 Flatere
thou the sone, and he schal make thee
dredinge; pleie thou with hym, and he
schal make thee sory.
10 Lei&yogh;e thou not note
with hym, lest thou haue sorewe togidere,
and at the laste thi teeth schulen be
astonyed.
11 &YOGH;yue thou not power to hym
in &yogh;ongthe, and dispise thou not hise
thou&yogh;tis.
12 Boowe thou his necke in
&yogh;ongthe, and bete thou hise sidis, while
he is a &yogh;ong child; lest perauenture he
wexe hard, and bileue not to thee, and he
schal be sorewe of soule to thee.
13 Teche
thi sone, and worche in hym; lest thou
offende in to the filthe of hym.
14 Betere is
a pore man hool, and strong in my&yogh;tis,
than a riche man feble, and betun with
malice.
15 The helthe of soule is in the
hoolynesse of ri&yogh;tfulnesse, and it is betere
than ony gold and siluer; and a strong
bodi is betere than ful myche catel.
16 No
catel is aboue the catel of helthe of bodi;
and no likyng is aboue the ioie of herte.
17 Betere is deth than bittir lijf, and euerlastinge
reste note is betere than siknesse
dwellynge contynueli.
18 Goodis hid in a
closid mouth note ben as settyngis forth of
-- --
metis set aboute a sepulcre.
19 What schal
sacrifice profite to an idol? for whi it
schal not ete, nether schal smelle.
20 So he
that is dryuun awei fro the Lord, and
berith the medis of wickidnesse,
21 seynge
with i&yogh;en and weilynge inwardli, as a
geldynge biclippynge a virgyn, and si&yogh;&yogh;ynge.
22 &YOGH;yue thou not sorewe to thi
soule note, and turmente not thi silf in thi
counsel.
23 Mirthe of herte, this is the lijf
of man, and is tresour of hoolynesse with
outen failyng; and ful out ioiyng of a man
is long lijf.
24 Haue thou mercy on thi
soule, and plese thou God; and holde togidere
and gadere togidere thin herte in
the hoolynesse of hym, and putte fer awei
sorewe fro thee.
25 For whi sorewe hath
slayn many men; and noon heelthe is ther
ynne.
26 Enuye and wrathfulnesse schulen
make lesse daies; and thou&yogh;tys schulen
brynge eldnesse bifore the tyme.
27 A
schynynge herte is good in metis; for whi
meetis therof ben maad diligentli.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
