Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXVIII.
1 He that wole be vengid, schal fynde of
the Lord veniaunce; and he kepynge schal
kepe hise synnes note.
2 For&yogh;yue thou to thi
nei&yogh;bore that anoieth thee, and thanne
synnes schulen be releessid to thee preiynge.
3 A man kepith ire to man; and
sekith he of God medicyn?
4 He hath no
merci on a man lijk hym silf; and bisechith
he the hi&yogh;este for hise owne synnes?
5 He the while he is fleisch, reserueth ire;
and axith he of God merci? who schal
preie for hise synnes?
6 Haue thou mynde
-- --
on the laste thingis, and ceesse thou to be
enemy.
7 For whi failyng and deth nei&yogh;en
not in the comaundementis of God.
8 Haue
thou mynde on the drede of the Lord, and
be thou not wrooth to the nei&yogh;bore.
9 Haue thou mynde on the testament of the
hi&yogh;este, and dispise thou the ignoraunce note
of thi nei&yogh;bore.
10 Absteyne thee fro strijf,
and thou schalt abregge synnes.
11 For whi
a wrathful man kyndlith strijf; and a
synful man note schal disturble frendis, and
he schal sende in enemyte in the myddis
of men hauynge pees.
12 For whi aftir the
trees of the wode, so fier schal brenne an
hi&yogh;; and after the my&yogh;te of a man, so his
wrathfulnesse schal be, and aftir his catel
he schal enhaunse his ire.
13 Hasti stryuyng
schal kyndle fier, and hasti chidyng
schal schede out blood; and a tunge note berynge
witnessing schal brynge deth.
14 If
thou blowist note, as fier it schal brenne an
hi&yogh;; and if thou spetist theron, it schal be
quenchid; euer either comen forth of the
mouth.
15 A preuy bacbiter, and a double
tungid man note is cursid; for he disturblide
many men hauynge pees.
16 The thridde
tunge hath stirid many men, and hath
scaterid hem fro folc in to folc.
17 It hath
distried wallid citees of riche men, and
hath myned doun the housis of grete men.
18 It hath kit doun the vertues of puplis,
and hath vnknit strong folkis.
19 The
thridde tunge hath cast out weddid wymmen note,
and hath priued hem of her trauelis.
20 He that biholdith the thridde
tunge, schal not haue rest; nether schal
haue a frend, in whom he schal reste.
21 The wounde of betyng makith wannesse;
but the wounde of tunge schal make lesse
the boonys.
22 Many men fellen doun bi
-- --
the scharpnesse of swerd; but not so as
thei that perischiden bi her tunge.
23 He
is blessid that is kyuerid fro a wickid
tunge; and he that passide not in the
wrathfulnesse therof, and he that drow
not the &yogh;ok therof, and was not boundun
in the bondis therof.
24 For whi the &yogh;ok
therof is an irun &yogh;ok, and the boond therof
is a brasun boond.
25 The deth therof is
the worste deth; and helle is more note profitable
than it.
26 The perseueraunce therof
schal not dwelle, but it schal holde the
weies note of vniust men; in his flawme it
schal not brenne iust men.
27 Thei that
forsaken God, schulen falle in to it; and
it schal brenne greetli in hem, and it schal
not be quenchid; and as a lioun it schal
be sent in to hem, and as a parde it schal
hirte hem.
28 Bisette note thin eeris with
thornes, and nyle thou here a wickid
tunge; and make thou doris to thi mouth,
and lockis to thin eeris.
29 Welle thou togidere note
thi gold, and thi siluer; and make
thou a balaunce to thi wordis, and ri&yogh;tful
bridels to thi mouth.
30 And take heede,
lest perauenture thou slide in tunge, and
falle in the si&yogh;t of enemyes note, settynge tresoun
to thee, and thi falle be vncurable
in to deth.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
