Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXI.
1 Sone, thou hast do synne? adde thou
not eft; but biseche thou for the formere
synnes, that tho be for&yogh;ouun to thee.
2 As
fro the face of a serpent fle thou synnes;
-- --
and if thou nei&yogh;est to `tho note synnes, tho
schulen take thee.
3 The teeth of a lioun
ben the teeth therof, that sleen the soulis
of men.
4 Al wickidnesse is as a scharp
swerd on either syde; heelthe is not to
the wounde note therof.
5 Chidyngis and
wrongis schulen distrie catel; and an
houe that is ouer riche, schal be distriede
bi pride; so the catel of a proude man
schal be drawun vp bi the roote.
6 The
preyer of a pore man note schal come fro the
mouth `til to eeris; and doom schal come
to hym hastili.
7 He that hatith repreuyng,
is a step of the synnere; and he that
dredith God, schal be turned to his herte note.
8 A mi&yogh;ti man with an hardi tunge is
knowun afer; and a witti man kan kepe
him silf fro that man.
9 He that bildith
his hous with othere mennus costis note, is as
he that gaderith hise stonys in wyntir.
10 Scheuys gaderid togidere is the synagoge
of synneris; and the endyng of hem is
the flawme of fier.
11 The weie of synneris
is set togidere with stoonys; and in the
ende of hem ben hellis note, and derknessis,
and peynes.
12 He that kepith ri&yogh;tfulnesse,
schal holde the wit therof note.
13 The perfeccioun
of Goddis drede is wisdom and wit.
14 He schal not be tau&yogh;t, which is not wijs
in good.
15 Forsothe vnwisdom is, which is
plenteuouse in yuel; and wit is not, where
is bittirnesse.
16 The kunnyng of a wijs
man schal be plenteuouse as flowyng; and
the councel of hym dwellith as a welle of
lijf.
17 The herte of a fool is as a brokun
vessel; and it schal not holde ony wisdom.
18 What euer wijs word a kunnynge man
herith, he schal preise, and leie to note. A
letcherouse man herde, and it schal displese
hym; and he schal caste it awei
bihynde his bak.
19 The tellynge of a fool
is as a birthun in the weie; for whi
-- --
grace schal be foundun in the lippis of
a wijs man.
20 The mouth of a prudent
man is sou&yogh;t in the chirche; and men
schulen thenke hise wordis in her hertis.
21 As an hous distried, so is wisdom to a
fool note; and the kunnyng of an vnwijs man
is wordis that moun not be teld out.
22 Stockis in the feet is techyng to a fool;
and as bondis of hondis on the ri&yogh;t hond.
23 A fool enhaunsith his vois in lei&yogh;yng;
but a wijs man schal lei&yogh;e vnnethis stilli.
24 Techyng is a goldun ournement to a prudent
man; and as an ournement of the
arm in the ri&yogh;t arm.
25 The foot of a fool is
li&yogh;t in to the hous of a nei&yogh;bore; and a
wijs man schal be aschamed note of the persoone
of a mi&yogh;ti man.
26 A fool biholdith
fro the wyndow in to the hous; but a
lerned man schal stonde with out forth.
27 It is foli of a man to herkene bi the dore;
and a prudent man schal be greuyd bi
dispisyng.
28 The lippis of `vnprudent men
schulen telle fonned thingis; but the wordis
of prudent men schulen be weied in a balaunce.
29 The herte of foolis is in her
mouth; and the mouth of wise men is
in her herte.
30 Whanne a wickid man cursith
the deuel, he cursith his owne soule.
31 A priuy bacbitere schal defoule his soule,
and in alle thingis he schal be hatid, and
he that dwellith note, schal be hatid; a stil
man and wijs schal be onourid.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
