Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XIX.
1 Forsothe ire with out merci cam on
wickid men til in to the laste note; forwhi
God bifore knew also the thingis to comynge
of hem.
2 For whanne thei weren
turned, and hadden suffrid, that thei
schulden lede out hem note, and hadden bifor
sent hem with greet bysynesse, the dedis
of repentyng sueden hem.
3 For thei hauynge
&yogh;it morenyng bitwixe the hondis,
and thei biwepynge at the sepulcris of
deed men, token to hem anothir thou&yogh;t
of vnkunnyng note; and thei pursueden tho
Ebreis, as fleeris awei, whiche thei preiynge
hadden sent forth.
4 For whi worthi
nede ledde hem to this ende, and thei
losten remembryng of these thingis, that
hadden bifeld, that punyschyng schulde
fille tho thingis, that failiden of turmentis,
5 and that sotheli thi puple schulde
passe wondurfuli; forsothe that thei
schulden fynde a newe deth.
6 For whi
ech creature seruynge to thin heestis, was
refourmed note to his kynde at the bigynnyng,
that thi children schulden be kept
vnhirt.
7 For whi a cloude bischadewide
the castels of hem, and drie erthe apperide
in watir that was bifore; and a weie with
out letting apperide in the reed see, and
a feeld buriownynge fro ful greet depthe note;
bi which feeld al the nacioun passide,
8 that
was hilid with thin hond; forsothe thei
sien thi merueilis and wondris.
9 For thei
as horsis deuouriden mete note, and as lambren
thei maden ful out ioye, magnefiynge
thee, Lord, that delyueredist hem.
10 For
thei weren myndeful &yogh;it of tho thingis,
that weren don in the dwellyng of hem
among Egipcians; hou the lond brou&yogh;te
forth flies, for the nacioun of beestis, and
the flood brou&yogh;te forth multitude of paddokis,
for fischis.
11 Forsothe at the last
-- --
thei sien a newe creature of briddis,
whanne thei weren led bi coueitise, and
axiden metis of feeste.
12 For in the spekynge
to note of her desir, a curlew stiede
to hem fro the see; and diseesis camen
on synneris, and not with out preuyngis
of tho thingis, that weren don bifor bi the
feersnesse of floodis. For thei suffriden iustli,
bi her wickidnessis;
13 for thei ordeyneden
more abhomynable vnospitalite. Sotheli
summe resseyueden not vnknowun comelyngis;
sotheli othere token good men herborid
in to thraldom.
14 And not oneli thei
diden these thingis, but sotheli also another
biholding of hem was, that thei
a&yogh;ens her wille note resseyueden straungeris.
15 Forsothe thei that vsiden the same ordynaunces, note
turmentiden with cruelest
sorewis hem, that resseyueden with gladnesse.
16 Forsothe thei weren smytun with
blyndnesse, as thei in the &yogh;atis of the iust
man, whanne thei weren hilid with sudeyne
derknessis; ech man sou&yogh;te the
passyng of his dore.
17 Forsothe while elementis
ben turned in to hem silf, as the
sown of maner is chaungid in orgun, and
alle thingis kepen her sown note; wherfor it
mai be gessid of that certeyn si&yogh;t.
18 Beestis
of the feeld note weren turned in to beestis
of watir; what euer weren swymmynge
thingis note, &yogh;eden in the lond.
19 Fier in watir
hadde power aboue his vertu; and water
for&yogh;at the kynde quenchynge.
20 A&yogh;enward
flawmes of corruptible beestis disesiden
not the fleischis of Ebreis goynge togidere;
nethir departiden that good mete,
that was departid li&yogh;tly as iys. Forsothe,
Lord, thou magnefiedist thi puple in alle
thingis, and onouridist; and dispisidist
-- --
not, and helpidist hem in ech tyme and
in ech place.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
