Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XVI.
1 For these thingis note, and thingis lijk
these, thei suffriden turmentis worthili,
and thei weren destried bi multitude of
beestis.
2 For whiche turmentis note thou disposidist
wel thi puple, to whiche thou
&yogh;auest coueitise of her delityng a new
sauour, makynge redi mete to hem a curlew note.
3 That sotheli thei coueitynge mete,
weren turned awei, &yogh;he, fro nedeful coueityng,
for tho thingis that weren schewid,
and sent to hem; but these men note maad
pore in schort tyme, tastiden newe mete.
4 For sotheli it bihofte perischyng to come
on hem with outen excusyng note, vsynge tirauntri;
but to schewe oneli to these
Ebries, hou her enemyes weren destried.
5 Forsothe whanne the feers ire of beestis
cam on hem, thei weren destried bi the
bityngis of weiward serpentis.
6 But, Lord, thin ire dwellide not with outen ende;
but thei weren troblid in schort time to
amendyng, and hadden a signe of helthe,
to remembryng note of the comaundement of
thi lawe.
7 For he that was conuertid, was
heelid not bi that he si&yogh;, but bi thee,
sauyour of alle men.
8 Forsothe in this
thou schewidist to oure enemyes, that thou
-- --
it art, that delyuerist fro al yuel.
9 Forsothe
the bityngis of locustis and of flies
killiden hem note, and heelthe of her lijf was
not foundun; for thei weren worthi to be
destried of siche thingis.
10 But nether the
teeth of dragouns, nethir of venemouse
beestis ouercamen thi children; for whi
thi merci cam, and heelide hem.
11 For thei
weren turmentid in mynde note of thi wordis,
and thei weren heelid swiftli; lest thei
fallynge in to deep for&yogh;etyng of God,
mi&yogh;ten not vse thin help.
12 For nethir eerbe,
nethir plastere heelide hem; but, Lord,
thi word, that heelith alle thingis.
13 Lord,
thou art, that hast power of lijf and of
deth; and ledist forth to the &yogh;atis of deth note,
and ledist a&yogh;en.
14 But sotheli a man sleeth
his soule bi malice; and whanne the spirit
is goen out, it schal not turne a&yogh;en,
nether the bodi schal a&yogh;en clepe the soule,
which is resseyued;
15 but it is vnpossible
to ascape thin hond.
16 Forwhi wickid
men, denying to knowe thee, weren turmentid
bi strengthe of thin arm; thei
suffriden persecusioun bi newe watris, and
hailis, and reines, and weren wastid bi
fier.
17 For whi that was wondurful, the
fier hadde more mi&yogh;t in the watir, that
quenchith alle thingis; for whi the world
was veniere note of iust men.
18 For whi sum
tyme the fier was mylde, lest the beestis
schulden be brent, that weren sent to
wickid men note; but that thei seynge note
schulden wite, that thei suffren persecucioun
bi the doom of God.
19 And sum
tyme the fier brente an hi&yogh; on ech side
in the water, aboue the vertu of fier, to
destrie the wickid nacioun of the lond.
20 For whiche thingis note thou nurischidist
thi puple with mete of aungels, and thou
&yogh;auest fro heuene breed maad redi to hem,
with out trauel; hauynge al delityng in
it silf, and the swetnesse of al sauour.
-- --
21 For thou schewidist thi catel, and thi
swetnesse, which thou hast, to sones; and
the breed seruynge to the wille of eche
man note, was turned to that, that ech man
wolde.
22 Forsothe snow and iys suffriden
the mi&yogh;t of fier, and meltiden not; that
thei schulden wite, that fier brennynge,
in hail and reyn leytynge, destryede the
fruytis of enemyes.
23 Sotheli eft this was
wondirful, also fier for&yogh;at his vertu note, that
iust men schulden be nurschid.
24 For whi
the creature seruynge to thee the makere,
wexith whijt in to turment a&yogh;ens vniust
men, and is maad li&yogh;tere to do wel, for
hem that tristen in thee.
25 For this thing
and alle thingis transfigurid note thanne
seruyden to thi grace, nurischere of alle
thingis, to the wille of hem, that ben desirid
of thee;
26 that, Lord, thi sones
schulden wite, whiche thou louedist, that
not the fruytis of birthe note feeden men, but
thi word kepeth hem, that bileuen in thee.
27 For whi that that mi&yogh;te not note be distried
of fier, meltide anoon as it was maad hoot
of a litil beem of the sunne;
28 that it were
knowun to alle men, that it bihoueth to
come bifore the sunne to thi blessing,
and to worschipe thee at the risyng of the
li&yogh;t.
29 Forsothe the hope of an vnkynde
man schal melte awei as iys of wyntir,
and schal perische as superflu watir.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
