Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. X.
1 This wisdom `of God kepte hym, that
was formed first of God, the fadir of the
world note, whanne he aloone was maad of
nou&yogh;t.
2 And `this wisdom ledde hym out
of his trespas, and ledde hym out of the
sliym of erthe, and &yogh;af to hym vertu to
holde togider alle thingis note.
3 As the vnjust
man in his ire &yogh;ede awei fro this
wisdom, brotherhed perischide bi the ire
of manquellyng.
4 For which thing whanne
watir dide awei the erthe note, wisdom heelide
eft; gouernynge a iust man bi a dispisable
tre.
5 This wisdom also in the consent
of pride, whanne naciouns hadden
reisid hem silf, knew note a iust man, and
kept with out playnt to God; and this wisdom
kepte strong merci in sones.
6 `This
wisdom deliuerede a iust man fleynge fro
wickid men perischinge, whanne fier cam
doun in to the place of fyue cytees.
7 For
whiche wickid men the lond smokynge
is maad deseert, in to witnessyng of weiwardnesse note,
and trees hauynge fruytis in
vncerteyn tyme; and the mynde of an
vnbileueful soule stondynge an ymage of
salt.
8 For whi men passynge wisdom, not
oneli fellen in this, that thei knewen not
goodis, but also thei leften to men the
mynde of her vnwisdom, that in these
synnes, whiche thei diden, thei mi&yogh;ten not
be hid.
9 Forsothe wisdom delyuerede hem
fro sorewis, that kepen it note.
10 Sotheli this
wisdom ledde forth a iust man bi ri&yogh;tful
weies, that fledde fro the ire of his brother;
-- --
and it schewide to hym the rewme
of God, and &yogh;af to hym the kunnyng of
seyntis; it made hym onest in trauels,
and fillide hise trauelis.
11 It helpide
hym in the fraude of disseyueris, and
made hym onest.
12 It kepte hym fro
enemyes and defendide hym fro disseyueris;
and it &yogh;af to him a strong batel,
that he shulde ouercome, and wite,
that wisdom is the my&yogh;tieste of alle.
13 This
wisdom forsook not a iust man seeld note,
but delyuerede hym fro synneris;
14 and it
&yogh;ede doun with hym in to a diche; and
it forsook not hym in boondis, til it
brou&yogh;te to hym the ceptre of the rewme,
and power a&yogh;ens hem that oppressiden
hym; and it schewide hem lieris, that
defouliden hym note, and it &yogh;af to hym euerlastynge
clerenesse.
15 This wisdom delyuerede
a iust puple, and hooli note without
pleynt, fro naciouns that oppressiden it.
16 Wisdom entride in to the soule of Goddis
seruaunt, and he stood a&yogh;ens hidouse
kyngis, in grete wondris and myraclis.
17 And it &yogh;eldide to iust men the meede of
her trauelis, and ledde hem forth in a
wondurful weie; and it was to hem in
hilyng of the dai, and in the li&yogh;t of sterris
bi ny&yogh;t.
18 And it `ledde ouer hem thorou&yogh;
the reede see; and bar hem ouer thoru&yogh;
ful myche watir.
19 But it drenchide doun
the enemyes of hem in to the see; and
ledde hem out fro the depthe of hellis note.
Therfor iust men taken awei the spuylis
of wickid men;
20 and, Lord, thei magnefieden
in song thin hooli name, and preyseden
togidere thin hond ouercomer.
21 Forwhi
wisdom openyde the mouth of doumbe
men, and made the tungis of &yogh;onge children
not spekynge to be wise.
1 He dresside
-- --
the werkis of hem, in the hondis of an
hooli profete.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
