Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 The wordis note of Ecclesiastes note, sone of
Dauid, the kyng of Jerusalem.
2 The
vanyte note of vanytees, seide Ecclesiastes;
the vanyte of vanytees, and alle thingis
ben vanite.
3 What hath a man more of alle
his trauel, bi which he traueilith vndur
the sunne?
4 Generacioun passith awei,
and generacioun cometh; but the erthe
stondith with outen ende.
5 The sunne
risith, and goith doun, and turneth a&yogh;en
to his place;
6 and there it risith a&yogh;en, and
cumpassith bi the south, and turneth a&yogh;en
to the north. The spirit note cumpassynge
alle thingis goith `in cumpas, and turneth
a&yogh;en in to hise cerclis.
7 Alle floodis entren
in to the see, and the see fletith not ouer
the markis set of God; the floodis turnen
a&yogh;en to the place fro whennus tho comen
forth, that tho flowe eft.
8 Alle thingis
ben hard note; a man may not declare tho
thingis bi word; the i&yogh;e is not fillid bi
si&yogh;t, nether the eere is fillid bi hering.
9 What is that thing that was note, that that
schal come? What is that thing that is
maad, that that schal be maad?
10 No thing
vndir the sunne is newe, nether ony man
may seie, Lo! this thing is newe; for now
it &yogh;ede bifore in worldis, that weren bifore
vs.
11 Mynde of the formere thingis is not,
but sotheli nether thenkyng of tho thingis,
that schulen come afterward, schal be at
hem that schulen come in the last tyme.
12 I Ecclesiastes was king of Israel in Jerusalem;
13 and Y purposide in my soule to
seke and enserche wiseli of alle thingis,
that ben maad vndur the sunne. God &yogh;af
this werste ocupacioun note to the sones of
-- --
men, that thei schulden be ocupied therynne.
14 I si&yogh; alle thingis that ben maad
vndur the sunne, and lo! alle thingis ben
vanyte and turment of spirit.
15 Weiward
men ben amendid of hard; and the noumbre
of foolis is greet with outen ende.
16 I
spak in myn herte, and Y seide, Lo! Y
am made greet, and Y passide in wisdom
alle men, that weren bifore me in Jerusalem;
and my soule si&yogh; many thingis wiseli,
and Y lernede.
17 And Y &yogh;af myn herte, that
Y schulde knowe prudence note and doctryn,
and errours and foli. And Y knew that in
these thingis also was trauel and turment
of spirit;
18 for in myche wisdom note is myche
indignacioun, and he that encressith kunnyng,
encreessith also trauel note.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
