Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. IV.
1 Sones, here &yogh;e the teching of the fadir note;
and perseiue &yogh;e, that &yogh;e kunne prudence.
2 Y schal &yogh;yue to &yogh;ou a good &yogh;ifte; forsake
&yogh;e not my lawe.
3 For whi and Y was the
-- --
sone of my fadir, a tendir sone, and oon
`gendride bifore my modir.
4 And my fadir
tau&yogh;te me, and seide, Thin herte resseyue
my wordis; kepe thou myn heestis, and
thou schalt lyue.
5 Welde thou wisdom,
welde thou prudence; for&yogh;ete thou not, nethir
bowe thou awey fro the wordis of my
mouth.
6 Forsake thou not it, and it schal
kepe thee; loue thou it, and it schal kepe
thee.
7 The bigynnyng of wisdom note, welde
thou wisdom; and in al thi possessioun
gete thou prudence.
8 Take thou it, and it
schal enhaunse thee; thou schalt be glorified note
of it, whanne thou hast biclippid it.
9 It schal &yogh;yue encresyngis of graces to thin
heed; and a noble coroun schal defende
thee.
10 Mi sone, here thou, and take my
wordis; that the &yogh;eris of lijf be multiplied
to thee.
11 Y schal schewe to thee the weie
of wisdom; and Y schal lede thee bi the
pathis of equyte.
12 In to whiche whanne
thou hast entrid, thi goyngis schulen not
be maad streit; and thou schalt rennen,
and schalt not haue hirtyng.
13 Holde thou
teching, and forsake it not; kepe thou
it, for it is thi lijf.
14 Delite thou not in the
pathis of wyckid men; and the weie of
yuele men plese not thee.
15 Fle thou fro it,
and passe thou not therbi; bowe thou
awei, and forsake it.
16 For thei slepen not,
`no but thei han do yuele; and sleep is
rauyschid fro hem, no but thei han disseyued note.
17 Thei eten the breed of vnpite,
and drinken the wyn of wickidnesse note.
18 But the path of iust men goith forth as
li&yogh;t schynynge, and encreessith note til to perfit
dai.
19 The weie of wickid men is derk;
thei witen not where thei schulen falle.
20 Mi sone, herkene thou my wordis; and
bowe doun thin eeris to my spechis.
21 Go
not tho awei fro thyn i&yogh;en; kepe thou
hem in the myddil of thin herte.
22 For
tho ben lijf to men fyndynge thoo,
and heelthe `of al fleisch.
23 With al keping
kepe thin herte, for lijf cometh forth
-- --
of it.
24 Remoue thou a schrewid mouth
fro thee; and backbitynge lippis be fer fro
thee.
25 Thin i&yogh;en se ri&yogh;tful thingis; and thin
i&yogh;eliddis go bifore thi steppis.
26 Dresse thou
pathis to thi feet note, and alle thi weies schulen
be stablischid.
27 Bowe thou not to the
ri&yogh;tside note, nether to the leftside; turne
awei thi foot fro yuel. For the Lord note
knowith the weies that ben at the ri&yogh;tside;
but the weies ben weiward, that ben
at the leftside. Forsothe he schal make
thi goyngis ri&yogh;tful; and thi weies schulen
be brou&yogh;t forth in pees.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
