Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XX.
1 Wiyn is a letcherouse thing note, and
drunkenesse is ful of noise; who euere
delitith in these, schal not be wijs.
2 As
the roryng of a lioun, so and the drede
of the kyng; he that territh hym to ire,
synneth a&yogh;ens his owne lijf.
3 It is onour
to a man that departith hym silf fro
stryuyngis; but fonned men ben medlid
with dispisyngis.
4 A slow man nolde ere
for coold; therfor he schal begge in
somer, and me schal not &yogh;yue to hym.
5 As deep watir, so counsel is in the herte
-- --
of a man; but a wijs man note schal drawe
it out.
6 Many men ben clepid merciful;
but who schal fynde a feithful man?
7 Forsothe a iust man that goith in his
simplenesse, schal leeue blessid sones aftir
hym.
8 A king that sittith in the seete of
doom, distrieth al yuel bi his lokyng.
9 Who
may seie, Myn herte is clene; Y am clene
of synne?
10 A wei&yogh;te note and a wei&yogh;te, a mesure
and a mesure, euer eithir is abhomynable
at God.
11 A child is vndurstondun bi
hise studies, yf his werkis ben ri&yogh;tful and
cleene.
12 An eere heringe, and an i&yogh;e seynge,
God made euere eithir.
13 Nyle thou
loue sleep, lest nedynesse oppresse thee;
opene thin i&yogh;en, and be thou fillid with
looues.
14 Ech biere seith, It is yuel, it is
yuel; and whanne he hath go awey,
thanne he schal haue glorie.
15 Gold, and
the multitude of iemmes, and a preciouse
vessel, ben the lippis of kunnyng.
16 Take
thou awei the cloth of hym, that was
borewe of an othere man; and for straungeris
take thou awei a wed fro hym.
17 The
breed of a leesing note is sweet to a man;
and aftirward his mouth schal be fillid
with rikenyng.
18 Thou&yogh;tis ben maad strong
bi counselis; and bateils schulen be tretid
bi gouernals.
19 Be thou not medlid with
him that schewith pryuetees note, and goith
gylefulli, and alargith hise lippis.
20 The
li&yogh;t of hym that cursith his fadir and modir,
schal be quenchid in the myddis of
derknessis.
21 Eritage to which me haastith
in the bigynnyng, schal wante blessing in
the laste tyme.
22 Seie thou not, Y schal
&yogh;elde yuel for yuel; abide thou the Lord,
and he schal delyuere thee.
23 Abhomynacioun
at God is wei&yogh;te and wei&yogh;te; a gileful
balaunce is not good.
24 The steppis of
man ben dressid of the Lord; who forsothe
of men mai vndurstonde his weie?
25 Falling of man is to make auow to seyntis,
and aftirward to withdrawe the vowis.
26 A wijs kyng scaterith wickid men; and
-- --
bowith a bouwe of victorie note ouer hem.
27 The lanterne note of the Lord is the spirit of
man, that sekith out alle the priuetees of
the wombe.
28 Merci and treuthe note kepen a
kyng; and his trone is maad strong bi
mekenesse.
29 The ful out ioiyng of &yogh;onge
men is the strengthe of hem; and the
dignyte of elde men is hoornesse note.
30 The
wannesse of wounde schal wipe aweie
yuels, and woundis in the priuyere thingis
of the wombe.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
