Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 The parablis of Salomon, the sone of
Dauid, king of Israel;
2 to kunne wisdom
and kunnyng;
3 to vndurstonde the wordis
of prudence; and to take the lernyng of
teching; to take ri&yogh;tfulnesse, and dom, and
equyte;
4 that felnesse note be &yogh;ouun to litle
children note, and kunnyng, and vndurstonding
to a &yogh;ong wexynge man.
5 A wise man
heringe schal be wisere; and a man vndurstondinge
schal holde gouernails.
6 He
schal perseyue a parable, and expownyng note;
the wordis of wise men, and the
derk figuratif spechis of hem.
7 The drede
of the Lord is the bigynning of wisdom;
foolis dispisen wisdom and teching.
8 My
sone, here thou the teching of thi fadir note,
and forsake thou not the lawe of thi
modir;
9 that grace be addid, ethir encreessid,
to thin heed, and a bie note to thi
necke.
10 Mi sone, if synneris flateren thee,
assente thou not to hem.
11 If thei seien,
Come thou with vs, sette we aspies to
blood, hide we snaris of disseitis a&yogh;ens
an innocent without cause;
12 swolowe we
him, as helle swolowith a man lyuynge;
and al hool, as goynge doun in to a lake;
-- --
we schulen fynde al preciouse catel,
13 we
schulen fille oure housis with spuylis note;
sende thou lot with vs,
14 o purs be of vs
alle;
15 my sone, go thou not with hem;
forbede thi foot fro the pathis of hem.
16 For the feet of hem rennen to yuel; and
thei hasten to schede out blood.
17 But a
net note is leid in veyn note bifore the i&yogh;en note of
briddis, that han wengis.
18 Also `thilke
wickid disseyueris setten aspies a&yogh;ens her
owne blood; and maken redi fraudis
a&yogh;ens her soulis.
19 So the pathis of ech
auerouse man rauyschen note the soulis of
hem that welden.
20 Wisdom note prechith
with outforth; in stretis it &yogh;yueth his vois.
21 It crieth ofte in the heed of cumpenyes;
in the leeues of &yogh;atis of the citee it
bringith forth hise wordis,
22 and seith, Hou
long, &yogh;e litle men in wit, louen &yogh;ong
childhod note, and foolis schulen coueyte tho
thingis, that ben harmful to hem silf,
and vnprudent men schulen hate kunnyng?
23 Be &yogh;e conuertid at my repreuyng;
lo, Y schal profre forth to &yogh;ou my
spirit, and Y schal schewe my wordis.
24 For Y clepide note, and &yogh;e forsoken; Y helde
forth myn hond, and noon was that bihelde.
25 &YOGH;e dispisiden al my councel; and
chargiden not my blamyngis.
26 And Y
schal lei&yogh;e in &yogh;oure perisching; and Y schal
scorne &yogh;ou, whanne that, that &yogh;e dreden,
cometh to &yogh;ou.
27 Whanne sodeyne wretchidnesse
fallith in, and perisching bifallith
as tempest; whanne tribulacioun and angwisch
cometh on &yogh;ou.
28 Thanne thei
schulen clepe me, and Y schal not here note;
thei schulen rise eerli, and thei schulen
not fynde me.
29 For thei hatiden teching,
and thei token not the drede of the
Lord,
30 nether assentiden to my councel,
and depraueden al myn amendyng.
31 Therfor
thei schulen ete the fruytis note of her
weie; and thei schulen be fillid with her
-- --
counseils.
32 The turnyng awei of litle men
in wit schal sle hem; and the prosperite
of foolis schal leese hem.
33 But he that
herith me note, schal reste with outen drede;
and he schal vse abundaunce, whanne the
drede of yuels is takun awei.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
