Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXXIII.
1 Therfor, Joob, here thou my spechis, and
herkene alle my wordis.
2 Lo! Y haue
openyd my mouth, my tunge schal speke
in my chekis.
3 Of symple herte ben my
-- --
wordis, and my lippis schulen speke clene
sentence.
4 The spirit of God made me, and
the brething of Almy&yogh;ti God quykenyde
me.
5 If thou maist, answere thou to me,
and stoonde thou a&yogh;ens my face.
6 Lo!
God made me as and thee; and also Y am
formyd of the same cley.
7 Netheles my
myracle note make thee not afeerd, and myn
eloquence be not greuouse to thee.
8 Therfor
thou seidist in myn eeris, and Y herde
the vois of thi wordis;
9 Y am cleene, and
with out gilt, and vnwemmed, and wickidnesse
is not in me.
10 `For God foond querels
in me, therfor he demyde me enemy to
hym silf.
11 He hath set my feet in a stok;
he kepte alle my pathis.
12 Therfor this
thing it is, in which thou art not maad
iust note; Y schal answere to thee, that God
is more than man.
13 Thou stryuest a&yogh;enus
God, that not at alle wordis he answeride
to thee.
14 God spekith onys, and the
secounde tyme he rehersith not the same
thing.
15 God spekith bi a dreem in the
visioun of ny&yogh;t, whanne sleep fallith on
men, and thei slepen in the bed.
16 Thanne
he openith the eeris of men, and he techith
hem, `and techith prudence;
17 that he
turne awei a man fro these thingis whiche
he made, and delyuere hym fro pride;
delyuerynge his soule fro corrupcioun note,
18
and his lijf, that it go not in to swerd.
19 Also God blameth a synnere bi sorewe
in the bed, and makith alle the boonys
of hym `to fade.
20 Breed is maad abhomynable
to hym in his lijf, and mete
desirable `bifor to his soule note.
21 His fleisch
schal faile for rot, and hise boonys, that
weren hilid, schulen be maad nakid.
22 His
soule schal nei&yogh;e to corrupcioun, and his
lijf to thingis `bryngynge deeth.
23 If an
aungel, oon of a thousynde, is spekynge note
for hym, that he telle the equyte of man,
God schal haue mercy on hym,
24 and schal
-- --
seie note, Delyuere thou hym, that he go not
doun in to corrupcioun; Y haue founde
in what thing Y schal do merci to hym.
25 His fleisch is wastid of turmentis; turne
he a&yogh;en to the daies of his &yogh;onge wexynge
age.
26 He schal biseche God, and he schal
be quemeful to hym; and he schal se his
face in hertly ioye, and he schal &yogh;elde to
man his ri&yogh;tfulnesse.
27 He schal biholde
men, and he schal seie, Y haue synned,
and verili Y haue trespassid; and Y haue
not resseyued, as Y was worthi.
28 For
he delyueride his soule, that it schulde
not go in to perischyng, but that he lyuynge
schulde se li&yogh;t.
29 Lo! God worchith
alle these thingis in thre tymes bi alle
men note;
30 that he a&yogh;en clepe her soulis fro
corrupcioun, and li&yogh;tne in the li&yogh;t of lyuynge
men.
31 Thou, Joob, perseyue, and
here me, and be thou stille, the while
Y speke.
32 Sotheli if thou hast what note
thou schalt speke, answere thou to me,
speke thou; for Y wole note, that thou appere
iust.
33 That if thou hast not, here
thou me; be thou stille, and Y schal teche
thee wisdom.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
