Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXVIII.
1 Siluer hath bigynnyngis of his veynes;
and a place is to gold, in which it is
wellid note togidere.
2 Irun is takun fro erthe,
and a stoon resolued, `ethir meltid, bi
heete, is turned in to money.
3 God hath
set tyme to derknessis, and he biholdith
the ende of alle thingis.
4 Also a stronde
departith a stoon of derknesse, and the
schadewe of deth, fro the puple goynge in
pilgrymage; it departith tho hillis, whiche
the foot of a nedi man for&yogh;at, and hillis
with out weie.
5 The erthe, wher of breed note
cam forth in his place, is destried bi fier.
6 The place of saphir ben stoonys therof,
and the clottis therof ben gold.
7 A brid
knewe not the weie, and the i&yogh;e of a vultur,
ethir rauenouse brid, bihelde it
not.
8 The sones of marchauntis tretiden
not on it, and a lyonesse passide not
therbi.
9 God stretchide forth his hond to
a flynt; he distriede hillis fro the rootis.
10 He hewide doun ryuers in stoonys; and
his i&yogh;e si&yogh; al precious thing.
11 And he
sou&yogh;te out the depthis of floodis; and he
brou&yogh;te forth hid thingis in to li&yogh;t.
12 But
where is wisdom note foundun, and which is
the place of vndurstondyng?
13 A man
noot the prijs therof, nether it is foundun
in the lond of men lyuynge swetli, `ether
delicatli.
14 The depthe of watris seith, It
is not in me; and the see spekith, It is not
with me.
15 Gold ful cleene schal not be
&yogh;ouun for wisdom, nether siluer schal be
weied in the chaungyng therof.
16 It schal
not be comparysound to the died colours
of Iynde, not to the moost preciouse stoon
of sardius, nether to saphir.
17 Nether gold,
nether glas schal be maad euene worth
therto;
18 and hi&yogh;e and fer apperynge vessels
of gold schulen not be chaungid for
wisdom, nether schulen be had in mynde
-- --
in comparisoun therof. Forsothe wisdom
is drawun of pryuy thingis note;
19 topasie of
Ethiope schal not be maad euene worth
to wisdom, and moost preciouse diyngis
schulen not be set togidere in prijs, `ether
comparisound, therto.
20 Therfor wherof
cometh wisdom, and which is the place
of vndurstondyng?
21 It is hid fro the i&yogh;en
of alle lyuynge men; also it is hid fro
briddis of heuene note.
22 Perdicioun and deeth note
seiden, With oure eeris we herden the
fame therof.
23 God vndurstondith the weye
therof, and he knowith the place therof.
24 For he biholdith the endis of the world,
and biholdith alle thingis that ben vndur
heuene.
25 `Which God made wei&yogh;te to
wyndis, and weiede watris in mesure.
26 Whanne he settide lawe to reyn, and weie
to tempestis sownynge;
27 thanne he si&yogh;
wisdom, and telde out, and made redi,
and sou&yogh;te out.
28 And he seide to man,
Lo! the drede of the Lord, thilke is wisdom;
and to go awei fro yuel, is vndurstondyng.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
