Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXIV.
1 Tymes ben not hid fro Almy&yogh;ti God;
sotheli thei that knowen hym, knowen not
hise daies note.
2 Othere men turneden ouer
the termes of nei&yogh;boris eritage, thei token
-- --
awei flockis, and fedden tho.
3 Thei
driueden awei the asse of fadirlesse children,
and token awei the cow of a widewe
for a wed.
4 Thei distrieden the weie of pore
men, and thei oppressiden togidere the
mylde men of erthe.
5 Othere men as
wielde assis in deseert goon out to her
werk; and thei waken to prey, and bifor
maken redy breed to her children.
6 Thei
kitten doun a feeld note not hern, and thei
gaderen grapis of his vyner, whom thei
han oppressid bi violence.
7 Thei leeuen
men nakid, and taken awei the clothis, to
whiche men is noon hiling in coold;
8 whiche men the reynes of munteyns
weeten, and thei han noon hilyng, and
biclippen stoonys note.
9 Thei diden violence,
and robbiden fadirles and modirles children;
and thei spuyliden, `ether robbiden,
the comynte of pore men.
10 Thei token
awey eeris of corn fro nakid men, and
goynge with out cloth, and fro hungry
men.
11 Thei weren hid in myddai among
the heepis of tho men, that thirsten,
whanne the presses ben trodun.
12 Thei
maden men of citees to weile, and the
soulis of woundid men schulen crye; and
God suffrith it not to go awei vnpunyschid.
13 Thei weren rebel to li&yogh;t; thei
knewen not the weyes therof, nether thei
turneden a&yogh;en bi the pathis therof.
14 A
mansleere risith ful eerli, and sleeth a
nedi man, and a pore man; sotheli bi
ny&yogh;t he schal be as a ny&yogh;t theef.
15 The i&yogh;e
of avouter kepith derknesse, and seith,
An y&yogh;e schal not se me; and he schal
hile his face.
16 Thei note mynen housis in
derknessis, as thei seiden togidere to hem
silf in the dai; and thei knewen not li&yogh;t.
17 If the morewtid apperith sudeynli, thei
demen the schadewe of deth; and so thei
goon in derknessis as in li&yogh;t.
18 He is vnstablere note
-- --
than the face of the water; his
part in erthe be cursid, and go he not bi
the weie of vyneris.
19 Passe he to ful greet
heete fro the watris of snowis, and the
synne of hym `til to hellis.
20 Merci for&yogh;ete
hym; his swetnesse be a worm; be he
not in mynde, but be he al to-brokun
as `a tre vnfruytful.
21 For he fedde the
bareyn note, and hir that childith not, and he
dide not wel to the widewe.
22 He drow
doun stronge men in his strengthe; and
whanne he stondith in `greet state, he
schal not bileue to his lijf.
23 God &yogh;af to hym
place of penaunce, and he mysusith that
in to pride; for the i&yogh;en of God ben
in the weies of that man.
24 Thei ben reisid
at a litil, and thei schulen not stonde;
and thei schulen be maad low as alle
thingis, and thei schulen be takun awei;
and as the hy&yogh;nessis of eeris of corn thei
schulen be al to-brokun.
25 That if it is not
so note, who may repreue note me, that Y liede,
and putte my wordis bifor God?
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
