Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXI.
1
2 Forsothe Joob answeride, and seide, Y
preye, here &yogh;e my wordis, and do &yogh;e penaunce.
3 Suffre &yogh;e me, that Y speke; and
lei&yogh;e &yogh;e aftir my wordis, if it schal seme
worthi.
4 Whether my disputyng is a&yogh;ens
man, that skilfuli Y owe not to be sori?
5 Perseyue &yogh;e me, and be &yogh;e astonyed; and
sette &yogh;e fyngur on &yogh;oure mouth.
6 And
whanne Y bithenke, Y drede, and tremblyng
schakith my fleisch.
7 Whi therfor
lyuen wickid men? Thei ben enhaunsid,
and coumfortid with richessis.
8 Her seed
dwellith bifor hem; the cumpeny of kynesmen,
and of sones of sones dwellith in
her si&yogh;t.
9 Her housis ben sikur, and pesible;
and the &yogh;erde of God is not on hem.
10 The cow of hem conseyuede, and caluede
not a deed calf; the cow caluyde, and
is not priued of hir calf.
11 Her litle children
goen out as flockis; and her &yogh;onge
children `maken fulli ioye with pleies.
-- --
12 Thei holden tympan, and harpe; and
ioien at the soun of orgun.
13 Thei leden
in goodis her daies; and in a point thei
goen doun to hellis note.
14 Whiche men seiden
to God, Go thou awei fro us; we nylen
the kunnyng of thi weies.
15 Who is Almi&yogh;ti
God, that we serue him? and what profitith
it to vs, if we preien him?
16 Netheles
for her goodis note ben not in her hond,
`that is, power, the counsel of wickid men
be fer fro me.
17 Hou ofte schal the lanterne
of wickid men be quenchid, and
flowing schal come on hem, and God
schal departe the sorewis of his stronge
veniaunce?
18 Thei schulen be as chaffis bifor
the face of the wynd; and as a deed
sparcle, whiche the whirlewynd scaterith
abrood.
19 God schal kepe the sorewe of the
fadir note to hise sones; and whanne he hath
&yogh;oldun, thanne he schal wite.
20 Hise i&yogh;en
schulen se her sleyng; and he schal drynke
of the stronge veniaunce of Almy&yogh;ti God.
21 For whi what perteyneth it to hym of his
hows aftir hym, thou&yogh; the noumbre of his
monethis be half takun awey?
22 Whether
ony man schal teche God kunnyng, which
demeth hem that ben hi&yogh;e?
23 This yuel
man dieth strong and hool, riche and blesful,
`that is, myrie.
24 Hise entrails ben
ful of fatnesse; and hise boonys ben moistid
with merowis.
25 Sotheli anothir wickid
man dieth in the bittirnesse of his soule,
and with outen ony richessis.
26 And netheles
thei schulen slepe togidere in dust,
and wormes schulen hile hem.
27 Certis Y
knowe &yogh;oure wickid thou&yogh;tis, and sentensis
a&yogh;ens me.
28 For &yogh;e seien, Where is
the hows of the prince note? and where ben
the tabernaclis of wickid men?
29 Axe &yogh;e
ech of `the weie goeris; and &yogh;e schulen
knowe, that he vndurstondith these same
-- --
thingis,
30 that an yuel man schal be kept
in to the dai of perdicioun, and schal be
led to the dai of woodnesse.
31 Who schal
repreue hise weies bifor hym? and who
schal &yogh;elde to hym tho thingis, whiche he
hath doon?
32 He schal be led to the sepulcris;
and he schal wake in the heep of
deed men.
33 He was swete note to the `stoonys,
ether filthis, of helle; and drawith ech
man aftir hym, and vnnoumbrable men
bifor him.
34 Hou therfor coumforten &yogh;e me
in veyn, sithen &yogh;oure answeris ben schewid
to `repugne to treuthe?
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
