Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XIX.
1 Forsothe Joob answeride, and seide,
Hou long turmente &yogh;e my soule,
2 and al
to-breken me with wordis?
3 Lo! ten sithis
&yogh;e schenden me note, and &yogh;e ben not aschamed,
oppressynge me.
4 Forsothe and if Y `koude
not, myn vnkynnyng schal be with me.
5 And &yogh;e ben reisid a&yogh;ens me, and repreuen
me with my schenschipis.
6 Nameli now
vndurstonde &yogh;e, that God hath turmentid
me not bi euene doom note, and hath cumpassid
me with hise betyngis.
7 Lo! Y suffrynge
violence schal crye, and no man
schal here; Y schal crye loude, and `noon
is that demeth.
8 He bisette aboute my
path, and Y may not go; and he settide
derknessis in my weie.
9 He hath spuylid
me of my glorye, and hath take awey the
coroun fro myn heed.
10 He hath distried
me on ech side, and Y perischide; and
he hath take awei myn hope, as fro a
tre pullid vp bi the roote.
11 His stronge
veniaunce was wrooth note a&yogh;ens me; and he
hadde me so as his enemye.
12 Hise theues
camen togidere, and `maden to hem a
wei bi me; and bisegiden my tabernacle
in cumpas.
13 He made fer my britheren
fro me; and my knowun as aliens &yogh;eden
awei fro me.
14 My nei&yogh;boris forsoken me;
and thei that knewen me han for&yogh;ete me.
15 The tenauntis of myn hows, and myn
handmaydis hadden me as a straunger;
and Y was as a pilgrym bifor her i&yogh;en.
16 Y clepide my seruaunt, and he answeride
not to me; with myn owne mouth Y preiede
hym.
17 My wijf wlatide my breeth; and Y
preiede the sones note of my wombe.
18 Also
foolis dispisiden me; and whanne Y was
goon awei fro hem, thei bacbitiden me.
19 Thei, that weren my counselouris sum
tyme, hadden abhomynacioun of me; and
-- --
he, whom Y louede moost, was aduersarie
to me.
20 Whanne fleischis weren wastid, my
boon cleuyde to my skyn; and `oneli lippis
ben left aboute my teeth.
21 Haue &yogh;e merci
on me, haue &yogh;e merci on me, nameli, &yogh;e
my frendis; for the hond of the Lord hath
touchid me.
22 Whi pursuen &yogh;e me, as God
pursueth; and ben fillid with my
fleischis note?
23 Who &yogh;yueth to me, that my
wordis be writun? Who &yogh;yueth to me,
24 that tho be writun in a book with an
yrun poyntil, ethir with a plate of leed;
ethir with a chisel be grauun in a flynt?
25 For Y woot, that myn a&yogh;enbiere lyueth,
and in the laste dai Y schal rise fro the
erthe;
26 and eft Y schal be cumpassid with
my skyn, and in my fleisch Y schal se
God, my sauyour.
27 Whom Y my silf schal
se, and myn i&yogh;en schulen biholde, and not
an other man note. This myn hope is kept
in my bosum.
28 Whi therfor seien &yogh;e now,
Pursue we hym, and fynde we the roote
of a word a&yogh;ens hym?
29 Therfor fle &yogh;e fro
the face of the swerd note; for the swerd is
the vengere of wickidnessis, and wite &yogh;e,
that doom schal be.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
