Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XVI.
1 Forsothe Joob answeride, and seide,
Y `herde ofte siche thingis;
2 alle &yogh;e ben
heuy coumfortouris.
3 Whether wordis ful
of wynd schulen haue an ende? ether ony
thing is diseseful to thee, if thou spekist?
4 Also Y my&yogh;te speke thingis lijk to &yogh;ou,
and `Y wolde, that &yogh;oure soule note were for
my soule;
5 and Y wolde coumfort &yogh;ou by
wordis, and Y wolde moue myn heed on
&yogh;ou;
6 Y wolde make &yogh;ou stronge bi my
mouth, and Y wolde moue lippis as
-- --
sparynge &yogh;ou.
7 But what schal Y do? If
Y speke, my sorewe restith not; and if Y
am stille, it goith not awei fro me.
8 But
now my sorewe hath oppressid me, and
alle my lymes ben dryuun in to nou&yogh;t.
9 My ryuelyngis seien witnessyng a&yogh;ens
me, and a fals spekere note is reisid a&yogh;ens my
face, and a&yogh;enseith me.
10 He gaderide togidere
his woodnesse in me, and he manaasside
me, and gnastide a&yogh;ens me with
his teeth; myn enemye bihelde me with
ferdful i&yogh;en.
11 Thei openyden note her mouthis
on me, and thei seiden schenschip, and
smytiden my cheke; and thei ben fillid
with my peynes.
12 God hath closid me
togidere at the wickid, and hath &yogh;oue
me to the hondis of wickid men.
13 Y thilke
riche man and famouse sum tyme, am al
to brokun sudeynli; `he helde my nol;
he hath broke me, and hath set me as in
to a signe.
14 He hath cumpasside me with
hise speris, he woundide togidere my
leendis; he sparide not, and schedde out
myn entrails in to the erthe.
15 He beet
me with wounde on wounde; he as a
giaunt felde in on me.
16 Y sewide togidere
a sak on my skyn; and Y hilide
my fleisch with aische.
17 My face bolnyde
of wepynge, and myn i&yogh;eliddis note wexiden
derke.
18 Y suffride these thingis with out
wickidnesse of myn hond, `that is, werk,
whanne Y hadde cleene preieris to God.
19 Erthe, hile thou not note my blood, and my
cry fynde not in thee a place of hidyng.
20 `For, lo! my witnesse is in heuene; and
the knowere of my consience is in hi&yogh;e
places.
21 A! my frendis, ful of wordis, myn
i&yogh;e droppith to God.
22 And `Y wolde, that
a man were demed so with God, as the
sone of man is demed with his felowe.
23 `For lo! schorte &yogh;eeris passen, and Y go a
path, bi which Y schal not turne a&yogh;en.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
