Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XIV.
1 A man is borun of a womman, and
lyueth schort tyme, and is fillid with
many wretchidnessis.
2 Which goith out,
and is defoulid as a flour; and fleeth as
schadewe, and dwellith neuere note perfitli
in the same staat.
3 And gessist thou it
worthi to opene thin i&yogh;en on siche a
man; and to brynge hym in to doom with
thee?
4 Who may make a man clene conseyued
of vnclene seed? Whether not thou,
which art aloone?
5 The daies of man ben
schorte, the noumbre of his monethis is
at thee; thou hast set note, ethir ordeyned,
hise termes, whiche moun not be passid.
6 Therfor go thou awey fro hym a litil,
`that is, bi withdrawyng of bodili lijf,
that he haue reste; til the meede coueitid
come, and his dai is as the dai of an hirid
man.
7 A tree hath hope, if it is kit
doun; and eft it wexith greene, and hise
braunches spreden forth.
8 If the roote
therof is eeld in the erthe, and the stok
therof is ny&yogh; deed in dust;
9 it schal
buriowne at the odour of watir, and it
schal make heer note, as whanne it was
plauntid first.
10 But whanne a man is
deed, and maad nakid, and wastid; Y
preye, where is he?
11 As if watris goen
awei fro the see, and a ryuer maad
-- --
voide wexe drie,
12 so a man, whanne he
hath slept, `that is, deed, he schal not
rise a&yogh;en note, til heuene be brokun, `that is,
be maad newe; he schal not wake,
nether he schal ryse togidere fro his sleep.
13 Who &yogh;iueth this to me, that thou defende
me in helle, and that thou hide me,
til thi greet veniaunce passe; and thou
sette to me a tyme, in which thou haue
mynde on me?
14 Gessist thou, whethir a
deed man schal lyue a&yogh;en? In alle the
daies, in whiche Y holde kny&yogh;thod, now Y
abide, til my chaungyng come note.
15 Thou
schalt clepe me, and Y schal answere thee;
thou schalt dresse the ri&yogh;t half, `that is,
blis, to the werk of thin hondis.
16 Sotheli
thou hast noumbrid my steppis; but
spare thou my synnes.
17 Thou hast seelid
as in a bagge my trespassis, but thou
hast curid my wickidnesse.
18 An hil fallynge
droppith doun; and a rooche of stoon
is borun ouer fro his place.
19 Watris
maken stoonys holowe, and the erthe is
wastid litil and litil bi waischyng a wey of
watir; and therfor thou schalt leese men note
in lijk maner.
20 Thou madist a man strong
a litil, that he schulde passe with outen
ende; thou schalt chaunge his face, and
schalt sende hym out.
21 Whether hise
sones ben noble, ether vnnoble, he schal
not vndurstonde.
22 Netheles his fleisch,
while he lyueth, schal haue sorewe, and
his soule schal morne on hym silf.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
