Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. VII.
1 Therfor the kyng and Aaman entriden
to the feeste, to drynke with the queen.
2 And the kyng seide to hir, &yogh;he, in the
secounde dai, aftir that he was hoot of
the wiyn, Hester, what is thin axyng,
that it be &yogh;ouun to thee, and what wolt
thou be doon? &YOGH;he, thou&yogh; thou axist the
half part of my rewme, thou schalt gete.
3 To whom sche answeride, A! king, if Y
haue founde grace in thin i&yogh;en, and if it
plesith thee, &yogh;yue thou my lijf to me, for
-- --
which Y preie, and my puple, for which
Y biseche.
4 For Y and my puple ben
&yogh;ouun, that we be defoulid, and stranglid,
and that we perische; `and Y wolde, that
we weren seeld in to seruauntis and seruauntessis,
`and the yuel `were suffrable,
and Y `were stille weilynge; but now
oure enemy is, whos cruelte turneth `in
to the kyng note.
5 And kyng Assuerus answeride,
and seide, Who is this, and of
what power, that he be hardi to do these
thingis?
6 And Hester seide, Oure worste
aduersarie and enemy is this Aaman.
Which thing he herde, and was astonyde
anoon, and `suffride not to bere the
semelaunt of the kyng and of the queen.
7 Forsothe the kyng roos wrooth, and fro
the place of the feeste he entride in to
a gardyn biset with trees. And Aaman
roos for to preie Hester, the queen, for
his lijf; for he vndurstood yuel maad
redi of the kyng to hym.
8 And whanne
the kyng turnede a&yogh;en fro the gardyn
`biset with wode, and hadde entrid in to
the place of feeste he foond that Aaman
felde doun on the bed, wherynne Hester
lai. And the king seide, `Also he wole
oppresse the queen, while Y am present,
in myn hows. The word was not &yogh;it
goon out of the kyngis mouth, and anoon
thei hiliden his face.
9 And Arbona seide,
oon of the onest seruauntis and chast, that
stoden in the seruyce of the kyng, Lo!
the tre hauynge fifti cubitis of hei&yogh;the
stondith in the hows of Aaman, which
tre he hadde maad redi to Mardochee,
that spak for the kyng. To whom the
kyng seide, Hange &yogh;e Aaman in that tre.
-- --
10 Therfor Aaman was hangid in the iebat,
which he hadde maad redi to Mardochee,
and the ire of the kyng restide.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
