Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XV.
1 And `he sente to hir, no doute that
ne Mardochee sente to Hester, that sche
schulde entre to the kyng, and preie for
hir puple, and for hir cuntrei.
2 He seide,
Be thou myndeful of the daies of thi
mekenesse, hou thou were nurschid in
myn hond; for Aaman, ordeyned the secounde
fro the kyng, spak a&yogh;ens vs in to
deth;
3 and thou inwardli clepe the Lord,
and speke to the kyng for vs, and delyuere
vs fro deeth. And also Y foond
these thingis, that suen, in the comyn
translacioun.
4 Forsothe in the thridde
dai sche `puttide of the clothis of hir
ournyng, and was cumpassid with hir
glorie.
5 And whanne sche `schinede in
the kyngis clothing, and hadde inwardli
clepid the Gouernour of alle thingis and
the sauyour God, sche took twei seruauntis,
6 and sotheli sche leenyde on
oon, as not susteynynge to bere hir
body, for delices and ful greet tendirnesse;
7 but the tother `of the seruauntessis
suede the ladi, and bar vp the clothis
fletinge doun `in to the erthe.
8 `Sotheli
sche was bisched with `colour of roosis
-- --
`in the cheer, and with pleasaunt and
schynynge i&yogh;en sche hilide the soreuful
soule, and drawun togidere with ful
myche drede.
9 Therfor sche entride thorou&yogh;
alle the doris bi ordre, and stood
a&yogh;ens the kyng, where he sat on the
seete of his rewme, and was clothid in
the kyngis clothis, and schynyde in
gold and preciouse stoonys, and was
dredeful in si&yogh;t.
10 And whanne he hadde
reisid the face, and hadde schewid the
woodnesse of herte with brennynge i&yogh;en,
the queen felde doun; and whanne the
colour was chaungid in to palenesse, sche
restide the heed slidun on the handmaide.
11 And God turnede the spirit of
the kyng in to myldenesse, and he hastide,
and dredde, `and skippyde out of
the seete; and he `susteynede hir with
hise armes, til sche cam a&yogh;en to hir self;
and he spak faire bi these wordis,
12 Hester,
what hast thou? Y am thi brother; nyle
thou drede, thou schalt not die;
13 for this
lawe is not maad for thee, but for alle
men.
14 Therfor nei&yogh;e thou, and touche
the ceptre, `that is, the kyngis &yogh;erde.
15 And whanne sche was stille, he took
the goldun &yogh;erde, and `puttide on hir
necke; and he kisside hir, and seide, Why
spekist thou not to me?
16 And sche answeride,
Lord, Y si&yogh; thee as an aungel of
God, and myn herte was troblid for the
drede of thi glorye;
17 for, lord, thou art ful
wondurful, and thi face is ful of graces.
18 And whanne sche spak, eft sche felde
doun, and was almest deed.
19 Sotheli the
kyng was troblid, and alle hise mynystris
coumfortiden hir. The saumpler
-- --
of `the lettre of the kyng Artaxerses,
which he sente for the Jewis to alle
the prouynces of his rewme; and the
same saumpler is not had in the book
of Ebreu.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
