Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XII.
1 Forsothe Mardochee dwellide that tyme
in the halle of the kyng, with Bagatha and
Thara, oneste seruauntis of the kyng,
that weren porteris of the paleis.
2 And
whanne he hadde vndurstonde the thou&yogh;tis
of hem, and hadde bifor seyn ful diligentli
the bisynessis, he lurnyde that
thei enforsiden to set hond on kyng
Artaxerses, and he telde of that thing to
-- --
the kyng.
3 And whanne enqueryng was
had of euer eithir, the kyng comaundide
hem, `that knoulechiden, to be led to
deth.
4 Forsothe the kyng wroot in bookis
that, that was doon, but also Mardochee
bitook the mynde of the thing to lettris.
5 And the kyng comaundide hym, that he
schulde dwelle in the halle of the paleis,
and &yogh;af to hym &yogh;iftis for the tellynge.
6 Forsothe Aaman, the sone of Amadathi,
a bugei, was moost glorius bifor the kyng,
and he wolde anoye Mardochee, and his
puple, for the `tweyne oneste seruauntis of
the king `that weren slayn. Hidur to
is the prohemye; tho thingis, that suen,
weren set in that place, where it was
writun in the book, And thei token awey
the goodis, ether the catels of hem; whiche
thingis we founden in the comyn translacioun.
Sotheli this was the saumpler of
the pistle.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
