Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. IV.
1 Thanne the sones of Israel, that dwelliden
in the lond of Juda, herden these
thingis, and dredden greetli of `his face.
2 Also tremblyng and hidousnesse asailide
the wittis of hem, lest he schulde do this
thing to Jerusalem and to the temple of
the Lord, which thing he hadde do to
othere citees and templis of tho.
3 And
thei senten in to al Samarie, bi cumpas
`til to Jerico, and bifore ocupieden alle
the coppis of hillis;
4 and thei cumpassiden
her townes with wallis, and gaderiden
togidere wheete in to making redi
of batel.
5 Also the prest Eliachym wroot
to alle men, `that weren a&yogh;enus Esdrelon,
which is a&yogh;enus the face of the grete
feeld bisidis Dotaym, and to alle men bi
whiche passage my&yogh;te be,
6 that thei
schulden holde the stiyngis of hillis, bi
whiche weie my&yogh;te be to Jerusalem, and
that thei schulden kepe there, where
streyt weie mi&yogh;te be among hillis.
7 And
the sones of Israel diden aftir this, that
Eliachym, prest of the Lord, hadde ordeyned
to hem.
8 And al the puple criede
to the Lord with greet instaunce, and
thei and the wymmen of hem mekiden
her soulis in fastyngis.
9 And the prestis
clothiden hem silf with heyris, and &yogh;onge
children boweden hem silf a&yogh;ens the face
of the temple of the Lord, and thei hiliden
the auter of the Lord with an heire.
10 And thei crieden togidere to the Lord
God of Israel, lest the children of hem
schulden be &yogh;ouun in to prey, and the
wyues of hem in to departyng note, and her
citees in to distriyng, and her hooli thingis
in to defoulyng.
11 Thanne Eliachym, the
grete prest of the Lord, cumpasside al
Israel,
12 and spak to hem, and seide, Wite
-- --
&yogh;e, that the Lord schal here &yogh;oure preieris,
if &yogh;e dwellinge dwellen perfitli in fastyngis
and preieris in the si&yogh;t of the
Lord.
13 Be &yogh;e myndful of Moises, the seruaunt
of the Lord, which not in fi&yogh;tynge
with irun, but in preiynge with hooli
preieris, castide doun Amalech tristinge
in his vertu, and in his power, and in
his oost, and in hise scheldis, and in hise
charis, and in hise kny&yogh;tis;
14 so alle the
enemyes of Israel schulen be cast doun,
if &yogh;e continuen in this werk, which &yogh;e
han bigunne.
15 Therfor at this excityng
of hym thei preieden hertli the Lord,
`and dwelliden in the si&yogh;t of the Lord,
so that also thei,
16 that offriden brent sacrifices
to the Lord, weren gird with heiris,
and thei offriden sacrifices to the Lord,
and `aische was on her heedis.
17 And alle
men of al her herte preieden God, that
he wolde visite his puple Israel.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|