Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. X.
1 Forsothe it was doon, whanne sche hadde
ceessid to crie to the Lord, sche roos fro
the place, in which sche lay bowid doun to
the Lord.
2 And sche clepide hir fre handmaide,
and cam doun in to hir hows; and
sche took awei fro hir the heire, and vnclothide
hir silf fro the clothing of hir widewehod.
3 And sche waischide hir bodi, and
anoyntide hir with beste myrre note, and sche
schedide the heer of hir heed, and settide
a mytre on hir heed, and sche clothide
hir with the clothis of hyr gladnesse, and
clothide hir feet with sandalies; and sche
took ournementis of the armes, and lilies,
and eeryngis, and ryngis, and ournede
hir silf with alle hir ournementis.
4 To
whom also the Lord &yogh;af bri&yogh;tnesse, for al
this ourenement hangide not of letcherie,
but of vertu; and therfor the Lord
`made large this fairnesse on hir, that
bi `vncomparable fairnesse sche apperide
to the i&yogh;en of alle men.
5 Therfor sche
puttide on hir fre handmaide a botel of
wyn, and a vessel of oile, and meet maad
of meele, and dried figus, and looues, and
cheese, and &yogh;eden forth.
6 And whanne
thei weren comen to the &yogh;ate of the citee,
thei founden Ozie and the prestis of the
citee abidynge hir.
7 And whanne thei
hadden seyn hir, thei weren astonyed, and
wondriden ful myche on hir fairnesse.
8 Netheles thei axiden hir no thing, and
leeten passe, and seiden, The God of
oure fadris &yogh;yue grace to thee, and make
strong with his vertu al the counsel of
thin herte, and Jerusalem haue glorie on
-- --
thee, and thi name be in the noumbre of
hooli and iust men.
9 And alle thei, that
weren there, seiden with o vois, Be it
doon! be it doon!
10 Therfor Judith preiede
the Lord, and passide thorou&yogh; the &yogh;atis,
sche and hir fre handmayde.
11 Forsothe
it was doon, whanne sche cam doun of
the hil aboute the risynge of the dai,
the aspieris of Assiriens metten hir, and
helden hir, and seiden, Fro whennus
comest thou, ether whidur goist thou?
12 And sche answeride, Y am a dou&yogh;ter of
Ebreis, and therfor Y fledde fro the face
of hem, for Y knew note, that it schal come,
that thei schulen be &yogh;ouun to &yogh;ou in to
prey, for thei dispisiden &yogh;ou, and nolde
bitake hem silf wilfuli, that thei schulden
fynde grace in &yogh;oure si&yogh;t.
13 For this
cause Y thou&yogh;te with me, and seide,
Y schal go to the face of the prynce
Holofernes, for to schewe to hym the priuytees
of hem, and Y schal schewe to
hym, bi what entryng he mai gete hem,
so that not o man of his oost falle doun.
14 And whanne tho men hadden herd the
wordis of hir, thei bihelden hir face, and
wondryng was in her i&yogh;en, for thei wondriden
greetli on hir fairnesse.
15 And thei
seiden to hir, Thou hast kept thi lijf, for
thou hast founde sich a counsel, that thou
woldist come doun to oure lord.
16 Sotheli
wite thou this, that, whanne thou `hast
stonde in his si&yogh;t, he schal do wel to thee,
and thou schalt be moost acceptable in his
herte. And thei ledden hir to the tabernacle
of Holofernes, and thei schewiden
hir to hym.
17 And whanne sche hadde entrid
bifor his face, anoon Holofernes was
takun bi hise i&yogh;en.
18 And hise kny&yogh;tis
seiden to hym, Who schal dispise the
puple of Jewis, whiche han so faire wymmen,
that we owen not to fi&yogh;te skilfuli
-- --
a&yogh;enus hem for these wymmen?
19 Therfor
Judith si&yogh; Holofernes sittynge in a curteyn note,
round bynethe and scharp aboue,
that was wouun of purpur, and gold,
and smaragde, and moost preciouse
stoonys,
20 and whanne sche hadde lokid
in to his face, sche worschipide hym, and
bowide doun hir silf on the erthe; and
the seruauntis of Holofernes reisiden hir,
for her lord comaundide.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
