Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 `And so Arphaxat, kyng note of Medeis,
hadde maad suget many folkis to his empire;
and he bildide a ful my&yogh;ti citee,
which he clepide Egbathanys.
2 Of squarid
stonys and korfe he made the wallis therof,
in the hei&yogh;the of thre score cubitis and
ten, and in the breede of thritti cubitis.
Sotheli he settide the touris therof in
the hei&yogh;the of an hundrid cubitis.
3 Forsothe
bi the square of tho touris euer
either side was stretchid forth, bi the
space of twenti feet; and he settide the
&yogh;atis of that citee in the hei&yogh;the of the
touris.
4 And he hadde glorie, as mi&yogh;ti in
the power of his oost, and in the glorie
of hise charis.
5 Therfor Nabugodonosor note,
kyng of Assyriens, that regnede in the
grete citee Nynyue, fau&yogh;t in the tweluethe
&yogh;eer of his rewme a&yogh;ens Arphaxat, and
gat him in the greet feeld,
6 `which is
clepid Ragau, bisidis Eufrates, and Tigris,
and Jadasa, in the feeld of Erioch,
kyng of Elichoris.
7 Thanne the rewme of
Nabugodonosor was enhaunsid, and his
herte was reisid; and he sente to alle men,
that dwelliden in Cilicie, and in Damask,
and in Liban,
8 and to folkis, that weren in
Carmele, and in Cedar, and to men dwellynge
in Galile, and in the grete feeld of Esdrolon,
and to alle men,
9 that weren in Samarie,
and bi&yogh;ende the flood Jordan, `til to
Jerusalem; and to al the lond of Jesse, til
me come to the hillis of Ethiope.
10 Nabugodonosor,
kyng of Assiriens, sente messangeris
`to alle these men; `which alle a&yogh;enseiden
with o wille, and senten a&yogh;en hem
voide, and castiden awei with out onour.
-- --
12 Thanne kyng Nabugodonosor was wrooth
to al that lond, and swoor bi his rewme
and trone, that he wolde defende note him
fro alle these cuntreis.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
