Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. VI.
1 Forsothe it was doon, whanne Sanaballath
hadde herd, and Tobie, and Gosem
of Arabie, and oure other enemyes, that Y
hadde bildide the wal, and nomore brekyng
was therynne; sotheli `til to that
tyme Y hadde not set leeuys of schittyng
in the &yogh;atis;
2 Sanaballath, and
Tobie, and Gosem of Arabie senten to
me, and seiden, Come thou, and smyte
we boond of pees in calues, `in o feeld;
forsothe thei thou&yogh;ten for to do yuel to
me.
3 Therfor Y sente messangeris to hem,
and Y seide, Y make a greet werk, and
Y mai not go doun, lest perauenture it be
doon retchelesli, whanne Y come, and go
doun to &yogh;ou.
4 Sotheli thei senten to me
`bi this word bi foure tymes, and Y answeride
to hem by the formere word.
5 And Sanaballath sente to me the fyuethe
-- --
tyme bi the formere word his child; and
he hadde in his hond a pistle writun in
this maner;
6 It is herd among hethene
men, and Gosem seide, that thou and the
Jewis thenken for to rebelle, and therfor &yogh;e
bilden, and thou wolt `reise thee king on
hem;
7 for which cause also thou hast set
profetis, that prechen of thee in Jerusalem,
and seien, A king is in Jerusalem;
the king schal here these wordis; therfor
come thou now, that we take counsel togidere.
8 And Y sente to hem, and seide,
It is not doon bi these wordis whiche
thou spekist; for of thin herte thou makist
these thingis.
9 Alle these men maden
vs aferd, and thou&yogh;ten that oure hondis
schulden ceesse fro werkis, that we
schulden reste; for which cause Y coumfortide
more myn hond.
10 And Y entride
priueli in to the hows of Samaie, sone of
Dalie, the sone of Methabehel, which
seide, Trete we with vs silf in the hows
of God, in the myddis of the temple, and
close we the &yogh;atis of the hows; for thei
schulen come to sle thee, `and thei schulen
come `bi ni&yogh;t to sle thee.
11 And Y seide,
Whether ony man lijk me note fledde, and
who as Y schal entre in to the temple,
and schal lyue?
12 Y schal not entre.
And Y vndurstood that God `hadde not
sent hym, but `he spak as profesiynge
to me; and Tobie and Sanaballath `hadden
hirid hym for meede.
13 For he hadde
take prijs, that Y schulde be aferd, and
do, and that Y schulde do synne; and
thei schulden haue yuel, which thei
schulden putte to me with schenschip.
14 Lord, haue mynde of me, for Tobye and
-- --
Sanaballath, bi siche werkis `of hem; but
also of Noadie, the profete, and of othere
profetis, that maden me aferd.
15 Forsothe
the wal was fillid in the fyue and twentithe
dai of the monethe Ebul note, in two
and fifti daies.
16 Sotheli it was doon,
whanne alle oure enemyes hadden herd,
that alle hethene men dredden, that weren
in oure cumpas, and thei felden doun with
ynne hem silf, and wiste, that this work
was maad of God.
17 But also in tho daies
many pistlis of the principal men of Jewis
weren sent to Tobie, and camen fro Tobie
to hem.
18 For many men weren in Judee,
and hadden his ooth note; for he hadde
weddid the dou&yogh;ter of Sechenye, the sone
of Rotel; and Johannam, his sone, hadde
take the dou&yogh;ter of Mosallam, sone of
Barachie.
19 But also thei preisiden hym
bifor me, and telden my wordis to
hym; and Tobie sente lettris, for to make
me aferd.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
