CAP. XII.
1 Sotheli these weren prestis and dekenes,
that stieden with Zorobabel, the
sone of Salatiel, and with Josue; Saraie,
Jeremye,
2 Esdras, Amarie, Melluch, Accus,
Sechenye,
3
4 Reum, Merymucth, Addo, Jethon,
Myomyn,
5 Abia, Meldaa, Belga, Semeie,
and Joarib,
6 Adaie, Sellum, Amoe,
Elceia, and Jadie;
7 these weren the princes
of prestis `and her britheren, in the daies
of Josue.
8 Certis dekenes; Jesua, Bennuy,
Cedynyel, Serabie, Juda, Mathanye,
`weren ouer the ympnes, `thei and her
-- --
britheren;
9 and Bezechie, and Ezanny,
and the britheren of hem, ech man in his
office.
10 Sotheli Josue gendride Joachym,
and Joachym gendride Eliasib, and Eliasib
gendride Joiada,
11 and Joiada gendride
Jonathan, and Jonathan gendride Jeddaia.
12 Forsothe in the daies of Joachym
weren prestis, and princis of meynees
of prestis, Saraie, Amarie, Jeremye, Ananye,
Esdre,
13 Mosollam, Amarie, Johannam,
Mylico,
14
15 Jonathan, Sebenye, Joseph, Aram,
Edua,
16 Maraioth, Elchie, Addaie, Zacharie,
Genthon,
17 Mosollam, Abie, Zecherie, Myamyn,
and Moadie,
18 Phelti, Belge, Sannya,
Semeie,
19 Jonathan, Joarib, Mathanye, Jodaie,
Azi,
20
21 Sellaye, Mochebor, Helchie, Asebie,
Idaie, Nathanael.
22 Dekenes in the daies
of Eliasib, and of Joiada, and of Jonam,
and of Jedda, weren writun princes of
meynees, `and prestis in the rewme of
Darius of Persis.
23 The sones of Leuy,
princes of meynees, weren writun in the
book of wordis of daies, and `til to the
daies of Jonathan, sone of Eliasib.
24 `And
the princes of dekenes weren Asebie, Serebie,
and Jesue, the sone of Cedynyel;
and the britheren of hem bi her whiles,
that thei schulden herie and knowleche
bi the comaundement of kyng Dauid,
the man of God, and thei schulden kepe
euenli bi ordre.
25 Mathanye, and Bethbecie,
and Obedie, Mosollam, Thelmon, Accub,
weren keperis of the &yogh;atis, and of the
porchis bifor the &yogh;atis.
26 These weren in
the daies of Joachym, sone of Josue, sone
of Josedech, and in the daies of Neemye,
duyk, and of Esdras, the prest and
writere.
27 Forsothe in the halewyng of
the wal of Jerusalem thei sou&yogh;ten dekenes
of alle her places, to bryng hem in to Jerusalem,
and to make the halewyng in gladnesse,
in the doyng of thankyngis, and in
-- --
song, and in cymbalis, and in sautrees, and
in harpis.
28 Sotheli the sones of syngeris
weren gaderid bothe fro the feeldi places
aboute Jerusalem, and fro the townes of
Nethophati,
29 and fro the hows of Galgal,
and fro the cuntreis of Gebez, and of Amanech;
for syngeris hadden bildid townes
to hem silf in the cumpas of Jerusalem.
30 And prestis and dekenes weren clensid,
and thei clensiden the puple, and the
&yogh;atis, and the wal.
31 Forsothe Y made the
princes of Juda to stie on the wal, and
Y ordeynede twei greete queris of men
heriynge; and thei &yogh;eden to the ri&yogh;t side
on the wal, to the &yogh;ate of the dunghil.
32 And Osaie &yogh;ede aftir hem, and the half
part of prynces of Juda,
33 and Azarie,
Esdras, and Mosollam, Juda, and Beniamyn,
and Semeye, and Jeremye `&yogh;eden
aftir hem.
34 And of the sones of prestis
syngynge in trumpis; Zacharie, the sone
of Jonathan, the sone of Semeie, the sone
of Mathanye, the sone of Machaie, the
sone of Zeccur, the sone of Asaph.
35 And
hise britheren; Semeie, and Azarel, Malalai,
Galalai, Maai, Nathanael, and Juda,
and Amany, in the instrumentis of
song of Dauid, the man of God; and Esdras,
the wrytere, bifor hem, in the &yogh;ate of
the welle.
36 And thei stieden a&yogh;ens hem
in the greis of the citee of Dauid, in the
stiyng of the wal, on the hows of Dauid,
and `til to the &yogh;ate of watris at the eest.
37 And the secounde queer of men tellynge
thankyngis &yogh;ede euene a&yogh;ens, and Y aftir
hym; and the half part of the puple was
on the wal, and on the tour of ouenys,
and `til to the broddeste wal;
38 and on the
&yogh;ate of Effraym, and on the elde &yogh;ate,
and on the &yogh;ate of fischis, and on the
toure of Ananeel, and on the tour of
-- --
Emath, and thei camen `til to the &yogh;ate of
the floc;
39 and thei stoden in the &yogh;ate of
kepyng. And twei queeris of men heriynge
stoden in the hows of God, and Y
and the half part of magistratis with me.
40 And the prestis, Eliachym, Maasie, Myamyn,
Mychea, Helioneai, Zacharie, Ananye,
in trumpis;
41 and Maasie, and Senea,
and Eleazar, and Azi, and Johannan, and
Melchia, and Elam, and Ezer; and the
syngeris sungen clereli, and Jezraie, the
souereyn.
42 And thei offriden in that dai
grete sacrifices, and weren glad; `for God
`hadde maad hem glad with grete gladnesse.
But also her wyues and lawful
childre weren ioiful, and the gladnesse of
Jerusalem was herd fer.
43 Also thei noumbriden
in that dai men ouer the keping
places of tresour, to moiste sacrifices, and
to the firste fruytis, and to tithis, that
the princes of the citee schulden brynge
in bi hem, `in the fairenesse of doyng of
thankyngis, prestis and dekenes; for Juda
was glad in prestis and dekenes present.
44 And thei kepten the kepyng of her God,
the kepyng of clensyng; and syngeris,
and porteris, bi the comaundement of
Dauid and of Salomon, his sone;
45 for in
the daies of Dauid and of Asaph fro the
bigynnyng princes of syngeris weren ordeyned,
heriyng in song, and knoulechynge
to God.
46 And al Israel, in the
daies of Zorobabel, and in the daies of
Neemye, &yogh;auen partis to syngeris and to
porteris bi alle `the daies; and thei note halewiden
dekenes, and the dekenes halewiden
the sones of Aaron.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
