Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. I.
1 In the firste &yogh;eer of Cirus, kyng of
Persis, that the word of the Lord bi the
mouth of Jeremye schulde be fillid, the
Lord reiside the spirit of Cyrus, kyng of
Persis; and he pupplischide a vois in al
his rewme, &yogh;e, bi the scripture, and seide,
Cirus,
2 the kyng of Persis, seith these
thingis, The Lord God of heuene &yogh;af to
me alle the rewmes of erthe, and he comaundide
to me, that Y schulde bilde to
hym an hows in Jerusalem, which is in
Judee.
3 Who is among &yogh;ou of al his puple?
his God be with hym; stie he in to
Jerusalem, which is in Judee, and bilde
he the hows of the Lord God of Israel;
he is God, which is in Jerusalem.
4 And
alle othere men, `that dwellen where
euere in alle places, helpe hym; the
men of her place helpe in siluer, and
gold, and catel, and scheep, outakun that
that thei offren wilfulli to the temple of
God, which is in Jerusalem.
5 And the
princis of fadris of Juda and of Beniamyn
risiden, and the preestis, and dekenes,
and ech man whos spirit God
reiside, for to stie to bilde the temple
of the Lord, that was in Jerusalem.
6 And
alle men that weren `in cumpas helpiden
the hondis of hem, in vesselis of siluer,
and of gold, `in catel, in purtenaunce
of houshold, and in alle werk beestis,
outakun these thingis which thei offriden
bi fre wille.
7 Forsothe kyng Cyrus
brou&yogh;te forth the vessels of the temple of
-- --
the Lord, whiche Nabugodonosor hadde
take fro Jerusalem, and hadde set tho in
the temple of his god.
8 Sotheli Cyrus,
the kyng of Persis, brou&yogh;te forth tho bi
the hond of Mytridatis, sone of Gazabar;
and noumbride tho to Sasabazar, the
prince of Juda.
9 And this is the noumbre
of tho vessels; goldun violis, thritti; siluerne
viols, a thousynde; `grete knyues,
nyne and twenti; goldun cuppis note, thritti;
siluerne cuppis,
10 two thousynde foure
hundrid and ten; othere vessels, a thousynde;
11 alle the vessels of gold and siluere
weren fyue thousynde foure hundrid.
Sasabazar took alle vessels, with
hem that stieden fro the transmygracioun
of Babiloyne, in to Jerusalem.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
