Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. VIII.
1 Forsothe whanne twenti &yogh;eer weren
fillid, aftir that Salomon bildide the hows
of the Lord,
2 and his owne hows, he bildide
the citees, whiche Iram hadde &yogh;oue to
Salomon; and he made the sones of Israel
to dwelle there.
3 Also he &yogh;ede in to Emath
of Suba, and gat it.
4 And he bildide Palmyram
in deseert, and he bildide othere
`citees maad ful stronge in Emath.
5 And
he bildide the hi&yogh;ere Betheron and the
lowere Betheron, wallid citees, hauynge
&yogh;atis and lockis and barris;
6 also he bildide
Balaath, and alle `citees ful stronge that
weren of Salomon; and alle the citees of
cartis, and the citees of kny&yogh;tis kyng Salomon
bildide, and disposide alle thingis
whiche euere he wolde, in Jerusalem, and
in the Liban, and in al the lond of his
power.
7 Salomon made suget in to tributaries
til in to this dai al the puple that
was left of Etheis, and Amorreis, and
Phereseis, and Eueis, and of Jebuseis,
that weren not of the generacioun of Israel,
and of the sones of hem,
8 and of the
aftircomers of hem, whiche the sones of
Israel hadden not slayn.
9 Sotheli of the
sones of Israel he settide not, that thei
schulden serue the werkis of the kyng;
for thei weren men werriours, and the
firste duykis, and princes of charis, and
of hise kny&yogh;tis;
10 forsothe alle the princes
of the oost of kyng Salomon weren two
hundrid and fifti, that tau&yogh;ten the puple.
11 Sotheli he translatide the dou&yogh;ter of Farao
fro the citee of Dauid in to the hows,
which he hadde bildid to hir; for the
kyng seide, My wijf schal not dwelle in
the hows of Dauid, kyng of Israel, for it
is halewid, for the arke of the Lord entride
in to that hows.
12 Thanne Salomon
offride brent sacrifices to the Lord on
-- --
the auter of the Lord, which he hadde
bildid bifor the porche,
13 that bi alle daies
me schulde offre in it, bi the comaundement
of Moises, in sabatis, and in kalendis,
and in feeste daies, thries bi the &yogh;eer,
that is, in the solempnyte of the therflooues,
and in the solempnyte of woukis,
and in the solempnyte of tabernaclis.
14 And
he ordeynede bi the ordynaunce of Dauid,
his fadir, the officis of preestis in her seruyces,
and the dekenes in her ordre, that
thei schulden preise and mynystre bifor
preestis bi the custom of ech dai; and he
ordeynede porteris in her departyngis bi
&yogh;ate and &yogh;ate. For Dauid, the man of God,
hadde comaundid so;
15 and bothe preestis
and dekenes passiden not fro the comaundementis
of the kyng of alle thingis
whiche he hadde comaundid.
16 And Salomon
hadde alle costis maad redi in the
kepingis of tresouris, fro that dai in
whiche he foundide the hows of the Lord
til in to the dai in which he perfourmyde
it.
17 Thanne Salomon &yogh;ede in to Asiongaber,
and in to Hailath, at the brynke of
the reed see, which is in the lond of
Edom.
18 Therfor Iram sente to hym, by
the hondis of his seruauntis, schippis, and
schippe men kynnyng of the see, and thei
&yogh;eden with the seruauntis of Salomon in
to Ophir, and thei token fro thennus foure
hundrid and fifti talentis of gold, and
brou&yogh;ten to kyng Salomon.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
