Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XXXVI.
1 Therfor the puple of the lond took
Joachaz, the sone of Josie, and ordeynede
hym kyng for his fadir in Jerusalem.
2 Joachaz was of thre and twenti &yogh;eer,
whanne he bigan to regne, and he regnede
thre monethis in Jerusalem.
3 Sotheli the
kyng of Egipt, `whan he hadde come
-- --
to Jerusalem, remouyde hym, and condempnede
the lond in an hundrid talentis
of siluer and in a talent of gold.
4 And he ordeynede for hym Eliachim, his
brother, kyng on Juda and Jerusalem;
and turnede his name Joakym. Sotheli
he took thilk Joachaz with hym silf, and
brou&yogh;te in to Egipt.
5 Joakym was of
fyue and twenti &yogh;eer, whanne he bigan to
regne, and he regnyde eleuene &yogh;eer in Jerusalem,
and he dide yuel bifor `his Lord
God.
6 Nabugodonosor, kyng of Caldeis,
styede a&yogh;ens this Joakym, and ledde hym
boundun with chaynes in to Babiloyne.
7 To which Babiloyne he translatide also
the vessels of the Lord, and settide tho
in his temple.
8 Sotheli the residue of
wordis of Joakym, and of hise abhomynaciouns
whiche he wrou&yogh;te, and that
weren foundun in hym, ben conteyned in
the book of kyngis of Israel and of Juda.
Therfor Joachym, his sone, regnede for
hym.
9 Joachym was of ei&yogh;te &yogh;eer, whanne
he bigan to regne, and he regnede thre
monethis and ten daies in Jerusalem, and
he dide yuel in the si&yogh;t of the Lord.
10 And
whanne the cercle of the &yogh;eer was turned
aboute, Nabugodonosor the kynge sente
men, whiche also brou&yogh;ten hym in to
Babiloyne, whanne the moost preciouse
vessels of the hows of the Lord weren
borun out togidir. Sotheli he ordeynede
Sedechie, his fadris brother, kyng on
Juda and Jerusalem.
11 Sedechie was of oon
and twenti &yogh;eer, whanne he bigan to regne,
and he regnede eleuene &yogh;eer in Jerusalem.
12 And he dide yuel in the si&yogh;t of `his Lord
God, and he was not aschamed of the face
of Jeremye, the prophete, spekynge to
hym bi the mouth of the Lord.
13 Also he
&yogh;ede awey fro the kyng Nabugodonosor,
that hadde made hym to swere bi God;
-- --
and he made hard his nol and herte, that
he nolde turne a&yogh;en to the Lord of Israel.
14 But also alle the princes of preestis
and the puple trespassiden wickidli, bi alle
abhomynaciouns of hethene men; and
thei defouliden the hows of the Lord,
which he halewide to hym silf in Jerusalem.
15 Forsothe the Lord God of her
fadris sente to hem bi the hond of hise
messangeris, and roos bi ny&yogh;t, and
amonestide ech day; for he sparide
his puple and dwellyng place.
16 And thei
scorneden the messangeris of God, and
dispisiden hise wordis, and scorneden
hise prophetis; til the greet veniaunce of
the Lord stiede on his puple, and noon
heelyng were.
17 And he brou&yogh;te on hem
the kyng of Caldeis; and killide the &yogh;onge
men of hem `bi swerd in the hows of
seyntuarie; `he hadde not merci of a
&yogh;ong `man, and of a vergyn, and of an eld
man, and sotheli nether of a man ni&yogh;
the deth for eldnesse, but he bitook alle
in the hond of that king of Caldeis.
18 And he translatide in to Babiloyne alle
the vessels of the hows of the Lord, bothe
the grettere and the lasse vessels, and the
tresours of the temple, and of the kyng,
and of the princes.
19 Enemyes brenten
the hows of the Lord; thei distrieden the
wal of Jerusalem; thei brenten alle the
touris; and thei distrieden what euer thing
was preciouse.
20 If ony man ascapide the
swerd, he was led in to Babiloyne, and
seruyde the kyng and hise sones; til
the kyng of Peersis regnyde,
21 and the
word of the Lord bi the mouth of Jeremye
was fillid, and til the lond halewide
hise sabatis. For in alle the daies of
-- --
desolacioun it made sabat, til that seuenti
&yogh;eer weren fillid.
22 Forsothe in the
firste &yogh;eer of Cyrus, kyng of Persis, to
fille the word of the Lord, which he
hadde spoke bi the mouth of Jeremye, the
Lord reiside the spirit of Cirus, king of
Persis, that comaundide to be prechid in
al his rewme, &yogh;he, bi scripture, and seide,
Cirus,
23 the king of Persis, seith these
thingis, The Lord God of heuene &yogh;af to
me alle the rewmes of erthe, and he comaundide
to me, that Y schulde bilde to
hym an hows in Jerusalem, which is in
Judee. Who of &yogh;ou is in al his puple?
`his Lord God be with hym, and stie he
`in to Jerusalem.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
