Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. III.
1 Forsothe Joram, sone of Achab, regnede
on Israel, in Samarie, in the ei&yogh;tenthe
&yogh;eer of Josephat, kyng of Juda. And he
regnede twelue &yogh;eer,
2 and he dide yuel bifor
the Lord, but not as his fader and
modir note;
3 for he took awei the ymagis
of Baal, whiche his fadir hadde maad,
netheles in the synnes of Jeroboam, sone
of Nabath, that made Israel to do synne,
`he cleuyde, and &yogh;ede not awei fro tho.
4 Forsothe Mesa, kyng of Moab, nurschide
many beestis, and paiede to the kyng of
Israel an hundrid thousynde of lambren,
and an hundrid thousynde of wetheris,
with her fleesis.
5 And whanne Achab was
deed, he brak the boond of pees, which
he hadde with the kyng of Israel.
6 Therfor
kyng Joram &yogh;ede out of Samarie in that
dai, and noumbride al Israel.
7 And he
sente to Josephat, kyng of Juda, and seide,
The kyng of Moab &yogh;ede awei fro me;
come thou with me a&yogh;ens him to batel.
Which Josephat answeride, Y schal stie;
he that is myn, is thin; my puple is thi
puple; and myn horsis ben thin horsis.
8 And he seide, Bi what weie schulen we
stie? And he answeride, Bi the deseert
of Ydumee.
9 Therfor the kyng of Israel,
and the kyng of Juda, and the kyng of
Edom, &yogh;eden forth, and cumpassiden bi
the weie of seuene daies; and `watir was
not to the oost, and to the beestis, that
sueden hem.
10 And the kyng of Israel
seide, Alas! alas! alas! the Lord hath
gaderide vs thre kyngis to bitake vs in
the hond of Moab.
11 And Josephat seide,
Whether ony prophete of the Lord is
here, that we biseche the Lord bi hym?
And oon of the seruauntis of the kyng of
Israel answeride, Elisee, the sone of Saphat,
is here, that schedde watir on the
hondis of Elie.
12 And Josephat seide, Is
-- --
the word of the Lord at hym? Whiche
seiden, `It is. And the kyng of Israel,
and Josephat, kyng of Juda, and the kyng
of Edom, &yogh;eden doun to hym.
13 Forsothe
Elise seide to the kyng of Israel, What is
to me and to thee? Go thou to the prophetis
of thi fadir and of thi modir. And
the kyng of Israel seide to hym, Whi hath
the Lord gaderid these thre kyngis, to bitake
hem into the hondis of Moab?
14 And
Elisee seide to hym, The Lord of oostis
lyueth, in whos si&yogh;t Y stonde, if Y were
not aschamed note of the cheer of Josephat,
king of Juda, treuli Y hadde not perseyued,
nethir Y hadde biholde thee.
15 Now
forsothe brynge &yogh;e to me a sautrere. And
whanne the sautrere song, the hond of the
Lord was maad on hym, and he seide,
The Lord seith these thingis,
16 Make &yogh;e
the wombe, ether depthe, of this stronde
dichis and dichis.
17 For the Lord seith
these thingis, &YOGH;e schulen not se wynd,
nethir reyn, and this depthe schal be fillid
with watris, and &yogh;e schulen drynke, and
&yogh;oure meynees, and &yogh;oure beestis.
18 And
this is litil in the si&yogh;t of the Lord. Ferthermore
also he schal bitake Moab in to
&yogh;oure hondis;
19 and &yogh;e schulen smyte ech
strengthid citee, and ech chosun citee, and
&yogh;e schulen kitte doun ech tre note berynge
fruyt, and &yogh;e schulen stoppe alle the wellis
of watris, and &yogh;e schulen hile with stonys
ech noble feeld.
20 Therfor it was doon eerli,
whanne sacrifice is wont to be offrid, and,
lo! watris camen bi the weie of Edom,
and the lond was fillid with watris.
21 Sotheli
alle men of Moab herden, that
kyngis hadden stied to fi&yogh;te a&yogh;ens hem;
`and men of Moab clepiden togidere alle
men, that weren gird with girdil aboue,
and thei stoden in the termes.
22 And men
of Moab risiden ful eerli, and whanne
the sunne was risun thanne euen a&yogh;ens
the watris, thei sien the watris reed as
blood euene a&yogh;ens.
23 And thei seiden, It
-- --
is the blood of swerd, `that is, sched out
bi swerd; kyngis fou&yogh;ten a&yogh;ens hem silf,
and thei ben slayn togider; now go thou,
Moab, to the prey.
24 And thei &yogh;eden in to
the castels of Israel; forsothe Israel roos,
and smoot Moab, and thei fledden bifor
men of Israel. Therfor thei that hadden
ouercome, camen, and smytiden Moab,
and destrieden cytees;
25 and alle men sendynge
stoonys filliden ech beste feeld, and
stoppiden alle the wellis of watris, and
kittiden doun alle trees berynge fruyt,
so that oneli `wallis maad of erthe weren
left; and the citee was cumpassid of men
settinge engynes, and was smytun bi greet
part.
26 And whanne the kyng of Moab
hadde seyn this, that is, that the enemyes
hadden the maistrie, he took with hym
seuene hundrid men drawynge swerdis,
that thei shulden breke in to the kyng of
Edom; and thei my&yogh;ten not.
27 And he took
his firste gendrid sone, that schulde regne
for hym, and offride brent sacrifice on the
wal; and greet indignacioun was maad in
Israel note; and anoon thei &yogh;eden awei fro
hym, and turneden a&yogh;en in to her lond.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
