Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XIX.
1 And whanne kyng Ezechie hadde herd
these thingis, he to-rente his clothis note, and
was hilid with a sak; and he entride in
to the hous of the Lord.
2 And he sente
Eliachym, souereyn of the hous, and
Sobna, scryueyn, and elde men of the
preestis, hilid with sackis, to Ysaie, the
prophete, sone of Amos.
3 Whiche seiden,
Ezechie seith these thingis, This dai is a
dai of tribulacioun, and of blamyng, and
of blasfemye; sones camen `til to the
childberyng note, and the `traueler of childe
hath not strengthis.
4 If perauenture thi
Lord God here alle the wordis of Rabsaces,
whom the kyng of Assiryens, his
lord sente, that he schulde dispise the
Lord lyuynge, and repreue bi wordis,
whiche thi Lord God herde; and make
thou preier for these relikis, that ben
foundun.
5 Therfor the seruauntis of kyng
Ezechie camen to Isaie;
6 and Isaie seide
to hem, Seie &yogh;e these thingis to &yogh;oure lord,
The Lord seith these thingis, Nyle thou
-- --
drede of the face note of wordis whiche
thou herdist, bi whiche the children of the
kyng of Assiriens blasfemeden me.
7 Lo!
Y schal sende to hym a spirit, and he
schal here a messanger, and he schal turne
a&yogh;en in to his lond; and Y schal caste
hym doun bi swerd in his owne lond.
8 Therfor Rabsaces turnede a&yogh;en, and
foond the kyng of Assiriens fi&yogh;tynge a&yogh;ens
Lobna; for he hadde herd, that the kyng
hadde go awei fro Lachis.
9 And whanne
he hadde herd of Theracha, kyng of
Ethiope, `men seyynge, Lo! he &yogh;ede
out, that he fi&yogh;te a&yogh;ens thee; that he
schulde go a&yogh;ens `that kyng, he sente
messangeris to Ezechie,
10 and seide, Seie &yogh;e
these thingis to Ezechie, kyng of Juda,
Thi Lord God, in whom thou hast trist,
disseyue not thee, nether seie thou, Jerusalem
schal not be `bitakun in to the
hondis of the kyng of Assiriens;
11 for thou
thi silf herdist what thingis the kyngis
of Assiriens diden in alle londis, hou thei
wastiden tho; whether therfor thou
aloone maist be delyuered?
12 Whether the
goddis of hethene men delyueriden alle
men whiche my fadris distrieden, that is,
Gozam, and Aran, and Reseph, and the
sones of Eden, that weren in Thelassar?
13 Where is the kyng of Emath, and the
kyng of Arphat? and the kyng of the
cytee of Sepharuaym, of Ana, and of
Aua?
14 Therfor whanne Ezechie hadde
take the lettris fro the hond of messangeris,
and hadde red tho, he stiede in
to the hows of the Lord, and spredde
abrood tho bifor the Lord;
15 and preiede
in his si&yogh;t, and seide, Lord God of Israel,
that sittist on cherubym note, thou art God
aloone of alle kyngis of erthe; thou madist
heuene and erthe.
16 Bowe thin eere, and
here; opyn thin i&yogh;en, Lord, and se; and
-- --
here alle the wordis of Senacherib, which
sente, that he schulde dispise `to vs
`God lyuynge.
17 Verili, Lord, the kynges
of Assiriens distrieden hethene men, and
the londis of alle men,
18 and senten the
goddis of hem in to fier; for thei weren
not goddis, but werkis of `hondis of men,
of tre and stoon; and thei losten `tho
goddis note.
19 Now therfor, oure Lord God,
make vs saaf fro the hond of hem, that
alle rewmes of erthe wite that thou art
the Lord God aloone.
20 Forsothe Isaie,
sone of Amos, sente to Ezechie, and seide,
The Lord God of Israel seith these thingis,
Y haue herd tho thingis, whiche thou
preidist me on Sennacherib, king of Assiriens.
21 This is the word, which the
Lord spak of hym, Thou virgyn dou&yogh;tir
of Syon note, he dispiside thee, and scornyde
thee; thou dou&yogh;ter of Jerusalem, he
mouyde his heed aftir thi bak.
22 Sennacherib,
whom `dispisidist thou, and whom
`blasfemedist thou? A&yogh;ens whom hast thou
reisid thi vois, and hast reisid thin i&yogh;en
an hi&yogh;e? A&yogh;ens the hooli of Israel.
23 Bi
the hond of thi seruauntis thou dispisidist
the Lord, and seidist, In the multitude of
my charys Y stiede in to the hi&yogh;e thingis
of hillis, in the hi&yogh;nesse of Liban note, and
kittide doun the hi&yogh;e cedris therof, and
the chosyn beechis therof; and Y entride
`til to the termes therof,
24 and Y kittide
doun the forest of Carmele therof; and
Y drank alien watris, and Y made drie
with the steppis of `the feet of myn note `alle
watris closid.
25 Whether thou herdist not,
what Y made at the bigynnyng? Fro elde
daies Y made it, and now Y haue brou&yogh;t
forth; and strengthid citees of fi&yogh;teris
schulen be in to fallyng of hillis.
26 And
thei that sitten meke of hond in tho,
-- --
trembliden togidere, and ben schent; thei
ben maad as the hei of the feeld, and as
grene eerbe of roouys, which is dried,
bifor that it cam to ripenesse.
27 And Y
bifor knew thi dwellyng, and thi goyng
out, and thin entryng, and thi weie, and
thi woodnesse a&yogh;ens me.
28 Thou were wood
a&yogh;ens me, and thi pride stide in to myn
eeris; therfor Y schal putte a cercle in
thi nosethirlis, and a bernacle in thi lippis,
and Y schal lede thee a&yogh;en in to the weie
bi which thou camest.
29 Forsothe, Ezechie,
this schal be a signe `to thee; ete thou
in this &yogh;eer that, that thou fyndist; forsothe
in the secounde &yogh;eer tho thingis, that
growen bi her owne wille; sotheli in the
thridde &yogh;eer sowe &yogh;e, and repe &yogh;e, plaunte
&yogh;e vyneris, and ete the fruytis of tho.
30 And what euer thing schal be residue
of the hows of Juda, it schal sende root
dounward, and schal make fruyt vpward.
31 For relikis schulen go out of Jerusalem,
and that, that schal be sauyd, `schal go
out of the hil of Syon; the feruent loue
of the Lord of oostis schal do this.
32 Wherfor
the Lord seith these thingis of the
kyng of Assiriens, He schal not entre in
to this citee, nethir he schal sende an
arowe in to it, nether scheeld shal occupie
it, nether strengthing, ethir bisegyng,
schal cumpasse it.
33 He schal turne a&yogh;en
bi the weie `bi which he cam, and he
schal not entre in to this citee, seith the
Lord;
34 and Y schal defende this citee, and
Y schal saue it for me, and for Dauid, my
seruaunt.
35 Therfor it was don, in that
ni&yogh;t the aungel note of the Lord cam, and
smoot in the castels of Assiryens an hundrid
foure score and fyue thousynde.
And whanne Sennacherib hadde rise eerli,
he si&yogh; alle bodies of deed men; and he
departide, and &yogh;ede awei.
36 And Sennacherib,
the kyng of Assiriens, turnede
-- --
a&yogh;en, and dwellide in Nynyue.
37 And
whanne he worschipide in the temple
Nestrach his god, Adramelech and Sirasar,
his sones note, killide hym with swerd;
and thei fledden in to the lond of Armenyes;
and Asaradon, his sone, regnyde
for hym.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
