Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XVII.
1 Yn the tweluethe &yogh;eer note of Achaz, kyng
of Juda, Osee, sone of Hela, regnyde in
Samarie on Israel nyne &yogh;eer.
2 And he dide
yuel bifor the Lord, but not as the kyngis
of Israel, that weren bifor hym.
3 Salmanasar,
kyng of Assiriens, stiede a&yogh;ens this
Osee, and Osee was maad seruaunt to
hym, and &yogh;ildide tributis to hym.
4 And
whanne the kyng of Assiriens hadde perseyued,
that Osee he enforside to be rebelle,
and hadde sent messangeris to Sua,
kyng of Egipt, that he schulde not &yogh;yue
tributis to the kyng of Assiriens, as he
was wont bi alle &yogh;eeris, `the kyng of
Assiriens bisegide hym, and sente him
boundun in to prisoun.
5 And he &yogh;ede
thoru&yogh; al the lond, and he stiede to Samarie,
and bisegide it bi thre &yogh;eer.
6 Forsothe
in the nynthe &yogh;eer of Osee, the kyng
of Assiriens took Samarie, and translatide
Israel in to Assiriens; and he puttide
hem in Hela, and in Thabor, bisidis the
flood Gozam, in the citee of Medeis.
7 Forsothe
-- --
it was don, whanne the sones of Israel
hadden synned bifor her Lord God,
that ledde hem out of the lond of Egipt,
fro the hond of Farao, kyng of Egipt,
thei worschipeden alien goddis;
8 and &yogh;eden
bi the custom of hethene men, whiche the
Lord hadde wastid in the si&yogh;t of the sones
of Israel, and of the kyngis of Israel, for
thei hadden do in lijk maner.
9 And the
sones of Israel offendiden her Lord God
bi wordis not ri&yogh;tful, and thei bildiden to
hem silf hi&yogh; thingis in alle her citees, fro
the tour note of keperis `til to a strengthid
citee.
10 And thei maden to hem ymagis,
and wodis, in ech hi&yogh; hil, and vndur ech
tree ful of bowis;
11 and thei brenten there
encence on the auteris bi the custom of
hethene men, whiche the Lord hadde
translatid fro the face of hem. And thei
diden werste wordis note, and thei wraththiden
the Lord;
12 and worschipiden vnclenesses,
of whiche the Lord comaundide
to hem, that thei schulden not do this
word.
13 And the Lord witnesside in Israel
and in Juda, bi the hond of alle prophetis
and seeris, and seide, Turne &yogh;e a&yogh;en fro
&yogh;oure werste weies, and kepe &yogh;e my
comaundementis, and ceremonyes, bi al the
lawe whiche Y comaundide to &yogh;oure fadris,
and as Y sente to &yogh;ou in the hond of
my seruauntis prophetis.
14 Whiche herden
not, but maden hard her nol bi the nol
of her fadris, that nolden obeie to her
Lord God.
15 And thei castiden, awei the
lawful thingis note of hym, and the couenaunt
which he couenauntide with her fadris,
and the witnessyngis bi whiche he witnesside
to hem; and thei sueden vanytees,
`that is, idols, and diden veynli; and
sueden hethene men, that weren `bi the
cumpas of hem; of whiche vanytees
the Lord comaundide to hem, that thei
schulden not do as also tho hethene men
diden.
16 And thei forsoken alle the comaundementis
-- --
of her Lord God, and thei
maden to hem twei &yogh;otun calues, and
wodis, and worschipiden al the kny&yogh;thod
of heuene note; and thei seruyden Baal,
and halewiden to hym her sones,
17 and her
dou&yogh;tris thoru&yogh; fier, and thei seruyden to
fals dyuynyng, and to dyuynyng bi chiterynge
of briddis; and thei &yogh;auen hem note
silf to do yuel bifor the Lord, and thei
wraththiden hym.
18 And the Lord was
wrooth greetli to Israel; and he took
awei hem fro his si&yogh;t, and noon lefte, no
but the lynage of Juda oneli.
19 But nether
Juda hym silf kepte the heestis of `his
Lord God, netheles he erride, and &yogh;ede
in the errour of Israel, whiche it wrou&yogh;te.
20 And the Lord castide awei al the seed of
Israel, and turmentide hem, and bitook
hem in the hond of rauynouris; til he
castide awei hem fro his face,
21 fro that
tyme note in which Israel was departid fro
the hous of Dauid, and maden to hem a
kyng, Jeroboam, sone of Nabath. For Jeroboam
departide Israel fro the Lord, and
made hem to do a greet synne.
22 And the
sones of Israel &yogh;eden in alle the synnes of
Jeroboam, whiche he hadde do; and thei
departiden not fro tho synnes,
23 til the
Lord dide awei Israel fro his face, as he
spak in the hond of alle hise seruauntis
prophetis; and Israel was translatid fro
his lond in to Assiriens til in to this dai.
24 Forsothe the kyng of Assiriens brou&yogh;te
puple fro Babiloyne, and fro Cutha, and
fro Hailath, and fro Emath, and fro Sepharuaym,
and settide hem in the citees
of Samarie for the sones of Israel; whiche
hadden in possessioun Samarie, and dwelliden
in the citees therof.
25 And whanne
thei bigunnen to dwelle there, thei dredden
not the Lord; and the Lord sente to
hem liouns, that killiden hem.
26 And it
was teld to the kyng of Assiriens, and
was seid, The folkis whiche thou translatidist,
-- --
and madist to dwelle in the citees
of Samarie, kunnen not the lawful thingis
of God of the lond; and the Lord sente
liouns in to hem, and lo! liouns sleen
hem; for thei kunnen not the custom of
God of the lond.
27 Sotheli the kyng of
Assiriens comaundide, and seide, Lede &yogh;e
thidur oon of the preestis, whiche &yogh;e
brou&yogh;ten prisoneris fro thennus, that he
go, and dwelle with hem, and teche hem
the lawful thingis of God of the lond.
28 Therfor whanne oon of these preestis had
come, that weren led prisoneris fro Samarie,
he dwellide in Bethel, and tau&yogh;te
hem, how thei schulden worschipe the
Lord note.
29 And ech folk made his god, and
thei settiden tho goddis in the hi&yogh; templis,
whiche the men of Samarie hadden
maad, folk and folk in her citees, in
whiche thei dwelliden.
30 For men of Babiloyne
maden Socoth Benoth note; forsothe
men of Cutha maden Vergel; and men
of Emath maden Asyma;
31 forsothe Eueis
maden Nabaath and Tharcha; sotheli thei
that weren of Sepharuaym brenten her
sones in fier to Adramelech and Anamelech,
goddis of Sepharuaym.
32 And netheles
thei worschipiden the Lord; forsothe
of the laste men note thei maden preestis
of the hi&yogh;e thingis, and settiden hem in
hi&yogh;e templis.
33 And whanne thei worschipiden
God, thei serueden also her goddis,
bi the custom of hethene men, fro whiche
thei weren translatid to Samarie;
34 `til in
to present dai thei suen the eld custom;
thei dredden not note the Lord, nethir
thei kepen hise cerymonyes, and domes,
and lawe, and comaundement, which the
Lord comaundide to the sones of Jacob,
whom he nemyde Israel;
35 and he smoot
a couenaunt with hem, and comaundide
to hem, and seide, Nyle &yogh;e drede alien
goddis, and onoure &yogh;e not outwardli hem,
nethir worschipe &yogh;e inwardli hem, and
-- --
make &yogh;e not sacrifice to hem;
36 but &yogh;oure
Lord God, that ledde &yogh;ou out of the lond
of Egipt in greet strengthe, and in arm
holdun forth, drede &yogh;e hym, and worschipe
&yogh;e hym, and make &yogh;e sacrifice to
hym.
37 And kepe &yogh;e the cerymonyes, and
domes, and the lawe, and comaundement,
which he wroot to &yogh;ou, that &yogh;e do in alle
daies; and drede &yogh;e not alien goddis.
38 And
nyle &yogh;e for&yogh;ete the couenaunt, which he
smoot with &yogh;ou, nether worschipe &yogh;e alien
goddis;
39 but drede &yogh;e &yogh;oure Lord God, and
he schal delyuere &yogh;ou fro the hond of alle
&yogh;oure enemyes.
40 Forsothe thei herden not,
but diden bi her formere custom.
41 Therfor
these hethene men dredden sotheli
God; but netheles thei serueden also her
idols, for bothe her sones and the sones of
sones doen so, til in to present dai, as
her fadris diden.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
