Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XIII.
1 In the thre and twentithe &yogh;eer of Joas,
sone of Ocozie, kyng of Juda, Joachaz,
sone of Hieu, regnede on Israel, in Samarie
seuentene &yogh;eer.
2 And he dide yuel
bifor the Lord, and he suede the synnes
of Jeroboam, sone of Nabath, that made
Israel to do synne; and he bowide not
awei fro tho.
3 And the strong veniaunce note
of the Lord was wrooth a&yogh;ens Israel, and
he bitook hem in to the hondis of Azael,
kyng of Sirie, and in the hond of Benadab,
sone of Asael, in alle daies.
4 Forsothe
Joachaz bisou&yogh;te the face of the
Lord, and the Lord herde hym; for he
si&yogh; the anguysch of Israel, for the kyng
of Sirie hadde al to brokun hem.
5 And
the Lord &yogh;af a sauyour note to Israel, and he
was delyuered fro the hond of the kyng
of Sirie; and the sones of Israel dwelliden
in her tabernaclis, as &yogh;istirdai and
the thridde dai ago.
6 Netheles thei departiden
not fro the synnes of the hows
of Jeroboam, that made Israel to do synne;
-- --
thei &yogh;eden in tho synnes; sotheli also the
wode note dwellide in Samarie.
7 And to
Joacham weren not left of the puple, no
but fyue hundrid kni&yogh;tis, and ten charis,
and ten thousynde of foot men; for the
kyng of Sirie hadde slayn hem, and hadde
dryue hem as in to poudur in the threischyng
of a cornfloor.
8 Forsothe the residue
of wordis of Joachaz, and alle thingis
whiche he dide, and the strength of hym,
whether these ben not wrytun in the book
of wordis of daies of the kyngis of Israel?
9 And Joachaz slepte with hise fadris, and
thei birieden hym in Samarie; and Joas,
his sone, regnyde for hym.
10 In the seuenthe
and threttithe &yogh;eer of Joas, king
of Juda, Joas, sone of Joachaz, regnede
on Israel in Samarie sixtene &yogh;eer.
11 And
he dide that, that is yuel in the si&yogh;t of
the Lord; for he bowide not awei fro alle
the synnes of Jeroboam, sone of Nabath,
that made Israel to do synne; he &yogh;ede
in tho synnes.
12 Forsothe the residue of
wordis of Joas, and alle thingis whiche
he dide, but also his strengthe, hou he
fau&yogh;t a&yogh;ens Amasie, kyng of Juda, whether
these ben not writun in the book of
wordis of daies of the kyngis of Israel?
13 And Joas slepte with hise fadris; forsothe
Jeroboam sat on his trone. Sotheli Joas
was biried in Samarie with the kyngis of
Israel.
14 Forsothe Elisee was sijk in sikenesse,
bi which and he was deed; and
Joas, kyng of Israel, &yogh;ede doun to hym,
and wepte bifor hym, and seide, My fadir!
my fadir! the chare of Israel, and the
charietere therof!
15 And Elisee seide to
hym, Brynge thou a bouwe and arowis.
And whanne he hadde brou&yogh;te to Elisee
a bouwe and arowis,
16 he seide to the kyng
of Israel, Set thin hond on the bouwe. And
whanne he hadde set his hond, Elisee
settide his hondis on the hondis of the
17 kyng, and seide, Opene thou the eest
-- --
wyndow. And whanne he hadde openyd,
Elisee seide, Schete thou an arewe; and
he schete. And Elisee seide, It is an arewe
of helthe of the Lord, and an arowe of
helthe a&yogh;ens Sirie; and thou schalt smyte
Sirie in Affeth, til thou waste it.
18 And
Elisee seide, Take awei the arowis. And
whanne he hadde take awei, Elisee seide
eft to him, Smyte thou the erthe with a
dart. And whanne he hadde smyte thre
tymes,
19 and hadde stonde, the man of God
was wrooth note a&yogh;ens hym, and seide, If thou
haddist smyte fyue sithis, ether sixe sithis,
ethir seuen sithis, thou schuldist haue
smyte Sirie `til to the endyng; now forsothe
thou schalt smyte it thre sithis.
20 Therfor Elisee was deed, and thei birieden
hym. And the theuys of Moab
camen in to the lond in that &yogh;eer.
21 Forsothe
sum men birieden a man, and thei
si&yogh;en the theues, and thei castiden forth
the deed bodi in the sepulcre of Elisee;
and whanne it hadde touchid the bonys
of Elisee, the man lyuede a&yogh;en, and stood
on his feet.
22 Therfor Azael, kyng of
Sirie, turmentide Israel in alle the daies
of Joachaz.
23 And the Lord hadde merci
on hem, and turnede a&yogh;en to hem for
his couenaunt, which he hadde with
Abraham, Isaac, and Jacob; and he nolde
distrie hem, nether cast awei outirli, til
in to present tyme.
24 Forsothe Azael,
kyng of Sirie, diede; and Benadad, his
sone, regnede for hym.
25 Forsothe Joas,
sone of Joachas, took awei citees fro the
hond of Benadad note, sone of Asael, which
he hadde take bi the ri&yogh;t of batel fro the
hoond of Joachaz, his fadir; Joas smoot
hym thre tymes, and he &yogh;eldide the
citees of Israel.
-- --
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
