Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. X.
1 Forsothe seuenti sones in Samarie weren
to Achab. Therfor Hieu wroot lettris, and
sente in to Samarie to the beste men of
the citee, and to the gretter men in birthe,
and to alle the nurschis of Achab note, and
seide,
2 Anoon as &yogh;e han take these lettris, &yogh;e
that han the sones of &yogh;oure lord, and the
charis, and horsis, and stronge citees, and
armeris,
3 chese the beste, and hym that
plesith to &yogh;ou of the sones of &yogh;oure lord,
and sette &yogh;e him on the trone of his
fadir, and fi&yogh;te &yogh;e for the hows of &yogh;oure
lord.
4 And thei dredden greetli, and
seiden, Lo! twei kyngis my&yogh;ten not
stonde bifor hym, and how schulen we
mowe a&yogh;enstonde hym?
5 Therfor the
souereyns of the hows, and the prefect
of the citee, and the grettere men in
birthe, and the nurchis senten to Hieu,
and seiden, We ben thi seruauntis; what
euer thingis thou comaundist, we schulen
do, and we schulen not make a kyng to
vs; do thou what euer thing plesith thee.
6 Forsothe he wroot a&yogh;en to hem lettris the
secunde tyme, and seide, If &yogh;e ben myne,
and obeien to me, take &yogh;e the heedis of
the sones of &yogh;oure lord, and come &yogh;e to me
in this same our to morewe in to Jezrael.
Sotheli the sones of the kyng, seuenti
men, weren nurschid at the beste men of
the citee.
7 And whanne the lettris hadden
come to hem, thei token the sones of the
kyng, and killiden seuenti men, and puttiden
the heedis of hem in coffyns; and
senten to hym in to Jezrael.
8 Forsothe
a messanger cam to hym, and schewide
to hym, and seide, Thei han brou&yogh;t the
heedis of the sones of the king. Which
answeride, Putte &yogh;e tho heedis to tweyne
hepis, bisidis the entring of the &yogh;ate, til
the morewtid.
9 And whanne it was cleer
dai, he &yogh;ede out, and stood, and seide to
al the puple, &YOGH;e ben iust men; if Y conspiride
a&yogh;ens my lord, and killide hym,
-- --
who killide alle these?
10 Therfor se &yogh;e
now note, that noon of the wordis of the
Lord felde doun in to the erthe, whiche
the Lord spak on the hows of Achab;
and the Lord hath do that, that he spak
in the hond of his seruaunt, Elie.
11 Therfor
Hieu smoot alle that weren residue of
the hows of Achab in Jezrael, and alle
the beste men of hym, and knowun
men, and preestis, til no relikis of hym
leften.
12 And he roos, and cam in to Samarie;
and whanne he hadde come to the
chaumbir of schepherdis in the weie,
13 he
foond the britheren note of Ocozie, kyng of
Juda; and he seide to hem, Who ben &yogh;e?
And thei answeriden, We ben the britheren
of Ocozie, and we comen doun to grete
the sones of the kyng and the sones of
the queen.
14 Which Hieu seide, Take &yogh;e
hem quyke. And whanne thei hadden
take hem quyke, thei strangliden hem in
the cisterne, bisidis the chaumbre, two and
fourti men; and he lefte not ony of hem.
15 And whanne he hadde go fro thennus, he
foond Jonadab, the sone of Rechab, in to
meetyng of hym; and he blesside hym.
And Hieu seide to hym, Whether thin
herte is ri&yogh;tful with myn herte, as myn
herte is with thin herte? And Jonadab
seide, It is. Hieu seide, If `it is, &yogh;yue
thin hond. Which &yogh;af his hond to hym;
and he reiside hym to hym silf in to
the chare.
16 And he seide to hym, Come
thou with me, and se my feruent loue for
the Lord.
17 And he ledde hym, put in hys
chare, in to Samarie. And he killide alle
men that weren residue of Achab in Samarie
`til to oon, bi the word of the Lord,
which he spak bi Elie.
18 Therfor Hieu
gaderide to gidere alle the puple, and seide
to hem, Achab worschipide Baal a litil,
but Y schal worschipe hym more.
19 Now
therfor clepe &yogh;e to me alle the prophetis
of Baal, and alle hise seruauntis, and alle
-- --
hise preestis; `noon be that come not,
for grete sacrifice is of me to Baal; who
euer schal faile, he schal not lyue. Forsothe
Hieu dide this bi tresoun, that he
schulde distrie alle the worschipers of
Baal.
20 And he seide, Halewe &yogh;e a solempne
day to Baal.
21 And he clepide, and
sente in to alle the termes of Israel; and
alle the seruauntis of Baal camen, `noon
was residue, and sotheli `not oon was
that cam not. And thei entriden in to
the temple of Baal; and the hows of Baal
was fillid, fro oon ende `til to `the tothir.
22 And he seide to hem that weren
souereyns ouer the clothis, Bringe &yogh;e
forth clothis to alle the seruauntis of
Baal; and thei brou&yogh;ten forth clothis to
hem.
23 And Hieu entride, and Jonadab,
the sone of Rechab, in to the temple of
Baal. And Hieu seide to the worschiperis
of Baal, Enquere &yogh;e, and se, lest perauenture
ony of the seruauntis of the Lord be
with &yogh;ou; but that the seruauntis be aloone
of Baal.
24 Therfor thei entriden, to make
slayn sacrifices, and brent sacrifices. Sotheli
Hieu hadde maad redi to hym with
outforth foure scoore men, and hadde seid
to hem, Who euer schal fle of alle these,
whiche Y schal brynge in to &yogh;oure hondis,
the lijf of hym schal be note for the lijf of
hym that ascapith.
25 Forsothe it was don,
whanne the brent sacrifice was fillid, Hieu
comaundide to hise kny&yogh;tis and duykis,
Entre &yogh;e, and sle hem, that noon ascape.
And the kny&yogh;tis and duykis smytiden
`hem bi the scharpnesse of swerd, and
castiden forth. And `thei &yogh;eden into
the citee of the temple of Baal,
26 and thei
brou&yogh;ten forth the ymage fro the temple
of Baal,
27 and brenten it, and al to braken
it. Also thei destrieden the hows of Baal,
and maden priuyes note for it `til in to this
dai.
28 Therfor Hieu dide awei Baal fro
-- --
Israel;
29 netheles he &yogh;ede not awei fro the
synnes of Jeroboam, sone of Nabath, that
made Israel to do synne, nether he forsook
the goldun caluys, that weren in
Bethel and in Dan.
30 Forsothe the Lord
seide to Hieu, For thou didist bisili that
that was ri&yogh;tful, and pleside in myn y&yogh;en,
and hast do a&yogh;ens the hows of Achab alle
thingis that weren in myn herte, thi sones
`til to the fourthe generacioun schulen
sitte on the trone of Israel.
31 Forsothe
Hieu kepte not, that he &yogh;ede in the lawe
of the Lord God of Israel in al his herte;
for he &yogh;ede not awei fro the synnes of
Jeroboam, that made Israel to do synne.
32 In tho daies the Lord bigan to be anoyed note
on Israel; and Asahel smoot hem in alle
the coostis of Israel,
33 fro Jordan a&yogh;ens the
eest coost, al the lond of Galaad, and of
Gad, and of Ruben, and of Manasses, fro
Aroer which is on the stronde of Arnon,
and Galaad, and Baasan.
34 Forsothe the
residue of wordis of Hieu, and alle thingis
whiche he dide, and his strengthe, whether
these ben not writun in the book of
wordis of daies of the kyngis of Israel?
35 And Hieu slepte with hise fadris; and
thei birieden hym in Samarie; and Joachaz,
his sone, regnyde for hym.
36 Forsothe
the daies, in whiche Hieu regnede
on Israel in Samarie, ben ei&yogh;te and twenti
&yogh;eer.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
