Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. V.
1 And alle the lynagis of Israel camen
to Dauid, in Ebron, and seiden, Lo! we
-- --
ben thi boon and thi fleisch.
2 But also
&yogh;istirdai and the thridde day ago, whanne
Saul was kyng on vs, thou leddist out,
and leddist a&yogh;en Israel; forsothe the
Lord seide to thee, Thou schalt fede my
puple Israel, and thou schalt be duyk on
Israel.
3 Also and the eldere men of Israel
camen to the kyng, in Ebron; and kyng
Dauid smoot with hem boond of pees in
Ebron, bifor the Lord; and thei anoyntiden
Dauid in to kyng on Israel.
4 Dauid
was a sone of thretti &yogh;eer, whanne he
bigan to regne, and he regnyde fourti
&yogh;eer in Ebron;
5 he regnede on Juda
seuene &yogh;eer and sixe monethis; forsothe
in Jerusalem he regnede thretti and thre
&yogh;eer, on al Israel and Juda.
6 And the
kyng &yogh;ede, and alle men that weren with
hym, in to Jerusalem, to Jebusey, dweller
of the lond. And it was seide of hem to
Dauid, Thou schalt not entre hidur, no
but thou do awei blynde men and lame,
seiynge, Dauid schal not entre hydur.
7 Forsothe Dauid took the tour of Syon;
this is the citee of Dauid.
8 For Dauid
hadde `sette forth meede in that dai to
hym, that hadde smyte Jebusei, and
hadde touchid the goteris of roouys, and
hadde take awey lame men and blynde,
hatynge the lijf of Dauid. Therfor it is
seid in prouerbe, A blynde man and lame
schulen not entre in to the temple.
9 Forsothe
Dauid dwellide in the tour, and
clepide it the citee of Dauid; and he
bildide bi cumpas fro Mello note, and with
ynne.
10 And he entride profitynge and encreessynge;
and the Lord God of oostis
was with hym.
11 Also Hyram, kyng of
Tire, sent messangeris to Dauid, and
cedre trees, and crafti men of trees, and
crafti men of stoonus to wallis; and thei
bildiden the hows of Dauid.
12 And Dauid
knew, that the Lord hadde confermed
hym kyng on Israel, and that he hadde
-- --
enhaunsid his rewme on his puple Israel.
13 Therfor Dauid took &yogh;it concubyns, and
wyues note of Jerusalem, after that he cam fro
Ebron; and also othere sones and dou&yogh;tris
weren borun to Dauid.
14 And these
ben the names of hem that weren borun
to hym in Jerusalem; Samua, and Sobab,
and Nathan,
15 and Salomon, and Jobaar,
and Helisua,
16 and Repheg, and Japhia,
and Helysama, and Holida, and Heliphelech.
17 Therfor Filisteis herden, that thei
hadden anoyntid Dauid kyng on Israel,
and alle Filisteis stieden to seke Dauid.
And whanne Dauid hadde herd this, he
&yogh;ede doun into a strong hold.
18 Forsothe
Filisteis camen, and weren spred abrood
in the valei of Raphaym.
19 And Dauid
counseilide the Lord, and seide, Whether
Y schal stie to Filisties, and whether
thou schalt &yogh;yue hem in myn hond? And
the Lord seide to Dauid, Stie thou, for
Y schal bitake, and Y schal &yogh;yue Filisteis
in thin hond.
20 Therfor Dauid cam in to
Baal Farasym, and smoot hem there, and
seide, The Lord departide myn enemyes
bifor me, as watris ben departid. Therfor
the name of that place was clepid Baal
Farasym note.
21 And thei leften there her
sculptils, whiche Dauid took note, and hise
men.
22 And Filisteis addiden &yogh;it, that
thei schulden stie, and thei weren spred
abrood in the valey of Raphaym.
23 Sotheli
Dauid councelide the Lord, and seide,
Whether Y schal stie agens Filisties, and
whether thou schalt bitake hem in to myn
hondis? Which answeride, Thou schalt
not stie a&yogh;ens hem, but cumpasse thou
bihynde her bak, and thou schalt come to
hem on the contrarie side of the pere
trees.
24 And whanne thou schalt here the
sown of cry goynge in the cop of `pere
trees note, thanne thou schalt biginne batel;
-- --
for thanne the Lord schal go out befor
thi face, that he smyte the castels of
Filisteis.
25 Therfor Dauid dide as the Lord
comaundide to hym; and he smoot Filisteys
fro Gabaa til `the while thei
camen to Jezer.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
