Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. XII.
1 Therfor the Lord sente Nathan to
Dauid; and whanne he hadde come to
Dauid, he seide to Dauid, Answere thou
doom to me; twei men weren in o citee;
o man was riche, and the tother was
pore.
2 The riche man note hadde ful many
-- --
scheep, and oxun;
3 sotheli the pore man
hadde vttirli no thing, outakun o litil
scheep, which he hadde bou&yogh;t, and
nurschid, and which `hadde wexid at
hym with hise sones, and eet togidere of
his breed, and drank of his cuppe, and
slepte in his bosum; and it was as a
dou&yogh;ter to hym.
4 Forsothe whanne a
pilgrym `hadde come to the riche man,
he sparide to take of hise scheep and
oxun, that he schulde make a feeste to
that pilgrym, that cam to hym; and he
took the scheep of the pore man, and `made
redi metis to the man that cam to hym.
5 Forsothe Dauid was ful wrooth with
indignacioun a&yogh;ens that man, and seide
to Nathan, The Lord lyueth, for the man
that dide this is the sone of deeth note;
6 he
schal &yogh;elde the scheep in to foure folde, for
he dide this word, and sparide not.
7 Forsothe
Nathan seide to Dauid, Thou art
thilke man, that hast do this thing.
The Lord God of Israel seith these
thingis, Y anoyntide thee `in to kyng
on Israel, and Y delyuerede thee fro the
hond of Saul,
8 and Y &yogh;af to thee the hows
of thi lord, and the wyues of thi lord in
thi bosum, and Y &yogh;af to thee the hows
of Israel, and of Juda; and if these
thingis ben litil, Y schal adde to thee
myche grettere thingis.
9 Whi therfor hast
thou dispisid the word of the Lord, that
thou didist yuels in my si&yogh;t? Thou hast
smyte by swerd Vrye Ethei, and thou
hast take his wijf in to wijf to thee, and
thou hast slayn hym with the swerd of
the sones of Amon.
10 Wherfor swerd
schal not go awey fro thin hows note til in
to with outen ende; for thou dispysidist
me, and tokist the wijf of Vrye Ethei,
that sche schulde be thi wijf.
11 Therfor
the Lord seith these thingis, Lo! Y schal
reise on thee yuel of thin hows, and Y
schal take thi wyues in `thin i&yogh;en, and Y
-- --
schal &yogh;yue to thi nei&yogh;bore, and he schal
slepe with thi wyues in the i&yogh;en of this
sunne, `that is, opynli bifor alle men, as
in xv. chapitre.
12 For thou hast do priueli;
forsothe Y schal do this word in the si&yogh;t
of al Israel, and in the si&yogh;t of this sunne.
13 And Dauid seide to Nathan, Y haue
synned to the Lord. And Nathan seide
to Dauid, Also the Lord hath turned
awei thi synne; thou schalt not die.
14 Netheles for thou madist enemyes to
blasfeme the name of the Lord, for this
word the child which is borun to thee
schal die bi deeth.
15 And Nathan turnede
a&yogh;en in to his hows. And the Lord smoot
the litil child, whom the wijf of Vrye
childide to Dauid, and he dispeiride note.
16 And Dauid preiede the Lord for the litil
child; and Dauid fastide bi fastyng, and
entride asidis half, and lai on the erthe.
17 Sotheli the eldere men of his hows
camen, and constreyneden hym `bi meke
preieris, that he schulde rise fro the
erthe; and he nolde, nethir he eet mete
with hem.
18 Forsothe it bifelde in the
seuenthe dai, that the &yogh;ong child diede;
and the seruauntis of Dauid dredde to
telle to hym, that the litil child was
deed; for thei seiden, Lo! whanne the
litil child lyuede &yogh;it, we spaken to hym,
and he herde not oure vois; hou myche
more, if we seien the child is deed, he
schal turment himsilf?
19 Therfore whanne
Dauid hadde herd his seruauntis spekynge
priueli, `ether moterynge, he understood
that the &yogh;ong child was deed;
`and he seyde to his seruauntis, Whether
the child is deed? Whiche answeriden
to hym, He is deed.
20 Therfor Dauid
roos fro the erthe, and was waischid,
and anoyntid; and whanne he hadde
chaungid cloth, he entride in to the
hows of the Lord, and worschipide, and
cam in to his hows; and he axide, that
-- --
thei schulden sette breed to hym, and he
eet.
21 Sothely his seruauntis seiden to hym,
What is the word which thou hast do?
Thou fastidist, and weptist for the &yogh;ong
child, whanne he lyuede &yogh;it; sotheli
whanne the child was deed, thou risidist
and etist breed?
22 And Dauid seide, Y fastide
and wepte for the &yogh;ong child, whanne
he lyuyde &yogh;it; for Y seide note, Who woot, if
perauenture the Lord &yogh;yue hym to me,
and the &yogh;ong child lyue?
23 `Now forsothe
for he is deed, whi `fast Y? whether Y
schal mow a&yogh;en clepe hym more? Y schal
`go more to hym, but he schal not turne
a&yogh;en to me.
24 And Dauid coumfortid Bersabee,
his wijf; and he entride to hir,
and slepte with hir. And sche gendride
a sone, and Dauid clepide his name Salomon note;
and the Lord louyde hym.
25 And
he sente Salomon in the hond of Nathan,
the prophete; and he clepide his name
Amyable to the Lord, for the Lord louyde
hym.
26 Therfor Joab fau&yogh;t a&yogh;ens Rabath note,
of the sones of Amon, and he fau&yogh;t a&yogh;ens
the `kyngis citee.
27 And Joab sente messangeris
to Dauid, and seide, Y fau&yogh;te
a&yogh;ens Rabath, and the citee of watris
schal be takun.
28 Now therfor gadere thou
the tother part of the puple, and bisege
thou the citee, and take thou it, lest
whanne the citee is wastid of me, the
victorie be arettid to my name.
29 Therfor
Dauid gaderide al the puple, and he &yogh;ede
forth a&yogh;ens Rabath; and whanne he hadde
fou&yogh;te, he took it.
30 And he took the diademe
of the kyng note of hem fro his heed,
bi wei&yogh;te a talent of gold, hauynge preciouseste
peerlis; and it was put on the
heed of Dauid, `that is, aftir that it was
weldid and purgid bi fier; but also
Dauid bar awey ful myche prey of the
citee.
31 Also he ledde forth the puple therof note,
and sawide, and `dide aboute hem
`yrun instrumentis of turment, and departide
-- --
with knyues, and `ledde ouer bi
the licnesse of tijl stoonus; so he dide
to alle the citees of the sones of Amon.
And Dauid turnede a&yogh;en, and al his oost,
in to Jerusalem.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
