Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
To look up a word in a dictionary, select the word with your mouse and press 'd' on your keyboard.
CAP. IV.
1 And it was doon in tho daies Filisteis
camen to gidere in to batel; for Israel
&yogh;ede out a&yogh;ens Filisteis in to batel, and
settiden tentis bisidis the stoon of help.
Forsothe Filisteis camen in to Aphet,
2 and maden redi scheltrun a&yogh;ens Israel.
Sotheli whanne the batel was bigunnun,
Israel turned backis to Filisteis; and as
foure thousynde of men weren slayn in
that batel `euery where bi feeldis; and
the puple of Israel turnede a&yogh;en to
tentis. And the grettere men in birthe
of Israel seiden, Whi hath the Lord smyte
vs to dai bifore Filisteis? Brynge we to
vs fro Silo the arke of boond of pees of
the Lord, and come it in to the myddis
of vs, that it saue vs fro the hond of oure
enemyes.
4 Therfor the puple sente in to
Silo, and thei token fro thennus the arke
of boond of pees of the Lord of oostis,
`that sat on cherubyn. And Ophym and
Fynees, twei sones of Heli, weren with
the arke of boond of pees of the Lord.
5 And whanne the arke of boond of pees of
the Lord hadde come in to the castels, al
Israel criede with grete cry, and the erthe
sownede.
6 And Filisteis herden the vois of
cry, and seiden, What is this vois of
greet cry in the castels of Ebrews? And
thei knewen, that the arke of boond of
pees of the Lord hadde come in to castels.
7 And Filisteis dredden, and seiden,
God is come in to `the castels; and thei
weiliden, and seiden, Wo to vs!
8 for so
-- --
greet ful ioiyng was not &yogh;istirdai, and
the thridde day passid; wo to vs! who
schal kepe vs fro the hond of `these hi&yogh;e
goddis? these ben the goddis, that smytiden
Egipt with al veniaunce note in deseert.
9 Filisteis, be &yogh;e coumfortid, and be &yogh;e men,
serue &yogh;e not Ebrews, as thei serueden
vs; be &yogh;e coumfortid, and fi&yogh;te &yogh;e.
10 Therfor
Filisteis fou&yogh;ten, and Israel was
slayn, and ech man flei in to his tabernacle;
and a ful greet veniaunce was maad,
and thretti thousynde of foot men of Israel
felden doun.
11 And the arke of God was
takun; and, twei sones of Heli, Ophym
and Fynees, weren deed.
12 Sotheli a man
of Beniamyn ran fro the scheltrun, and
cam in to Silo in that dai, with his cloth
torent and his heed bispreynt with dust;
and whanne he was comen,
13 Heli sat `on an
hi&yogh;e seete, `and bihelde a&yogh;ens the weie;
for his herte was dredyng for the arke of
the Lord. Sotheli aftir that thilke man
entride, he telde to the citee, and al the
citee &yogh;ellide.
14 And Heli herde the soun of
cry, and seide, What is this sown of
this noise? And he hastide, and cam, and
telde to Heli.
15 Forsothe Heli was of foure
score &yogh;eer and ei&yogh;tene, and hise i&yogh;en dasiwiden,
and he my&yogh;te not se.
16 And he
seide to Heli, Y am that cam fro batel,
and Y am that flei to dai fro the scheltrun.
To whom Ely seide, My sone, what
is doon?
17 Forsothe he that telde answeride,
and seide, Israel flei bifor Filisteis,
and a greet fal is maad in the
puple; ferthermore and thi twey sones,
Ophym and Fynees, ben deed, and the
arke of God is takun.
18 And whanne he
hadde nemyd the arke of God, Hely felde
fro `the hi&yogh;e seete bacward bisidis the
dore, and `was deed; for the nollis note
weren brokun. For he was an eld man,
-- --
and of greet age; and he demyde Israel
bi fourti &yogh;eer.
19 Forsothe his dou&yogh;ter in
lawe, `the wijf of Finees, was with childe,
and ni&yogh; the child bering; and whanne `the
message was herd that the arke of God
was takun, and that hir fadir in lawe was
deed, and hir hosebonde, sche bowide hir
silf, and childide; for sodeyn sorewis
felden in to hir.
20 Sotheli in that moment
of hir deeth, wymmen that stoden aboute
hir, seiden to hir, Drede thou not, for thou
hast childid a sone. And sche answeride
not to hem, for nether `sche perseyuede.
21 And sche clepide the child Ichaboth note, and
seide, The glorie of the Lord is translatid
fro Israel, for the arke of God is takun;
and for hir fadir in lawe and for hir hosebonde
sche seide,
22 The glorie of God is
translatid fro Israel, for the arke of God
is takun.
Wycliffe (Late) [1850], THE HOLY BIBLE, CONTAINING THE OLD AND NEW TESTAMENTS, WITH THE APOCRYPHAL BOOKS, IN THE EARLIEST ENGLISH VERSIONS MADE FROM THE LATIN VULGATE BY JOHN WYCLIFFE AND HIS FOLLOWERS: Edited by THE REV. JOSIAH FORSHALL, F.R.S. etc. Late Fellow of Exeter College, and SIR FREDERIC MADDEN, K.H. F.R.S. etc. Keeper of the MSS. in the British Museum (OXFORD UNIVERSITY PRESS, OXFORD) [word count] [B02020].
|
